ۇيىپ وتىرمىز

جەتىسۋ جەرىندە 6,5 مىڭنان استام چەشەن-ينگۋش تۇرامىز. قۇدايعا شۇكىر, جەرگىلىكتى حالىقپەن بىرلەسە ەڭبەك ەتىپ, ىنتىماعىمىز جاراسىپ, سۇتتەي ۇيىپ وتىرعان جاعدايىمىز بار. 2005 جىلدان باستاپ چەشەن-ينگۋش ەتنومادەني بىرلەستىگى الماتى وبلىستىق قازاقستان حالقى اسسامبلەياسى مەن «دوستىق ءۇيى قوعامدىق كەلىسىم ورتالىعى» مەكەمەسىمەن تىعىز قارىم-قاتىناس ورنا­تىپ, بىلتىر «قايىرىمدىلىق كەرۋەنى» جانە «قازاقستان حالقى اسسامبلەياسىنىڭ – 20 ىزگى ءىسى» ەستافەتاسى اياسىندا ءتۇرلى مەيىرىمدىلىك شارالارىن وتكىزدىك. ناقتىلاي تۇسسەم, تالدىقورعان قالا­سىنداعى «قامقور» مۇگەدەك بالالار ۇيىنە كومەك كورسەتتىك. بالالاردىڭ قۋانىشىندا شەك بولمادى. مەيىرىمدىلىكتىڭ نە ەكەنىن ءاربىر بالا جانارىمەن ۇعىندىرىپ تا تۇردى. بۇگىنگى تاڭدا بالالار ۇيىندە 4-18 جاس ارالىعىنداعى اقىل-ەسى كەم 135 مۇگەدەك بالا تۇرادى. ولاردى ۋاقتىلى ەمدەپ, دەنساۋلىقتارىن كۇتىپ, ساقتاۋعا مەملەكەت تاراپىنان جاقسى قولداۋ كورسەتىلگەن. بالالار ۇيىندە تاربيەلەنۋشىلەردىڭ بەيىم­دىلىكتەرىنە وراي اياق كيىم جوندەۋ شەبەر­حاناسىنا, قىسقى باق جىلىجايىنا جۇمىسقا تارتىپ, ەڭبەككە ارالاستىرىلۋى قۋانارلىق جايت. شىنى كەرەك, سول جۇمىستى جان-ءتان­دەرىمەن بەرىلە اتقارىپ جۇرگەن بالالار قيمىلىنان ەرەكشە ءبىر شيراقتىق باي­قالادى. بالالار ۇيىنە جاساعان يگى شارا­نىڭ تاماشا ءبىر كونتسەرت قويىپ بەردى. ءان سالىپ, بي بيلەپ, ءوز تالانتتارىن اشۋعا تال­پىنعاندارى قالاي جاقسى. بالالاردى ءبىزدىڭ «ۆايناح» ءانسامبلىنىڭ سۇيەمەلدەۋىمەن بىرگە چەشەن تىلىندە ءبىر­نەشە ءان دە ورىنداپ بەردى. كونتسەرت سوڭىن­دا بالالارعا ارناپ اسحانادا «ءتاتتى تاعام» اتتى مەرەكەلىك داستارقان ۇيىم­داستىردىق. سونىمەن قاتار, قاراتال اۋدانى, ۇشتوبە قالاسىنىڭ ورتا مەكتەبىنە 45 000 تەڭگە قاراجاتقا كەرەكتى كىتاپتار مەن سىيلىق­تار تابىستالدى. وبلىسىمىزدىڭ مۇقتاج وتباسىلارىنداعى بالالارعا 300 000 تەڭگەنىڭ سىيلىقتارى دا بەرىلدى. ۇلى وتان سوعىسىنىڭ ارداگەرى ش.يسمايلوۆقا ارنايى سىيلىقتار, ازىق-ت ۇلىكتەرىمەن سەبەت تاپسىرىلدى. ەتنومادەني بىرلەستىك قاتەرلى ىسىككە شالدىققان كەربۇلاق جانە سارقان اۋداندارىنىڭ ازاماتتارىنا قارجىلاي كومەك بەردى. قورىتا ايتقاندا, وسى اپتادا «قايى­رىمدىلىق كەرۋەنى» اياسىندا جىل بويى اتقارعان جۇمىسىمىزدىڭ ناتيجەسى تۇيىندەلدى. اسيات يبراگيموۆا, الماتى وبلىستىق «ۆايناح» چەشەن-ينگۋش ەتنومادەني ورتالىعى» قوعامدىق بىرلەستىگى توراعاسىنىڭ ورىنباسارى تالدىقورعان