قازاقستاننىڭ قارۋلى كۇشتەرى جاڭا تىكۇشاقپەن تولىقتى

استانا. 8 ءساۋىر. قازاقستاننىڭ قارۋلى كۇشتەرى UH-1H-II «حيۋي» تىكۇشاعىمەن تولىقتى. بۇل تۋرالى egemen.kz ءتىلشىسى حابارلادى. تىكۇشاق اقش-تا جاسالعان. ول ەلىمىزگە اقش-تان اقىسىز نەگىزدە جەتكىزىلدى. بۇعان دە قۇراما شتاتتاردىن ەكى تىكۇشاق اقىسىز ەنگىزدە, تەگىن جەتكىزىلگەن بولاتىن. «حيۋي» تىكۇشاقتارى ءارتۇرلى وقۋ-جاتتىعۋلاردا, ونىڭ ىشىندە قازاقستاندىق «قازبات» بىتىمگەرشىلىك باتالونى مەن اەروۇتقىر اسكەرلەرى «قازبريگ» بىتىمگەرشىلىك بريگاداسىنىڭ ءىس-قيمىلدارى پىسىقتالاتىن «دالا قىرانى» تاكتيكالىق-ارنايى بىتىمگەرشىلىك وقۋ-جاتتىعۋلاردا كەڭىنەن قولدانىلادى. «بۇل تىكۇشاقتار اۋا-رايىنا قاراماي, جىل بويى 24 ساعات ۇشا بەرەدى. ىستەن شىققانى, بۇزىلعانى بولعان ەمەس. UH-1H-II تىكۇشاعى 12 ادامعا دەيىن دەسانتتى, جارالى ادامداردى, ءارتۇرلى جۇكتەردى تاسىمالداۋعا, ىزدەستىرۋ-قۇتقارۋ جۇمىستارىن ورىنداۋعا, اۋەدەن بارلاۋ جاساۋعا ارنالعان», دەيدى ااك قولباسشىسىنىڭ ورىنباسارى پولكوۆنيك ەركىن جۇماعاليەۆ. تىكۇشاقتىڭ سالماعى – – 4 762 كگ. ساعاتىنا 240 كم-گە دەيىن ۇشا الادى. ءبىر وزىندە 1 800 جىلقىنىڭ كۇشىندەي قۋاتتىلىعى بار.  ت-53-L-703 ءبىر قوزعالتقىشپەن جابدىقتالعان, سونداي-اق ناۆيگاتسيالىق جانە راديوەلەكتروندىق قوندىرعىنىڭ كەشەنىمەن جابدىقتالعان. داستان كەنجالين. دەرەك, فوتو: قورعانىس مينيسترلىگى.