استانا. 8 ءساۋىر. قازىر دۇنيەجۇزى بويىنشا وففشورلىق شوتتا 21 ترلن. دوللاردان 32 ترلن. اقش دوللارىنا دەيىن اقشا جاسىرىنعان. بۇل تۋرالى europe.newsweek.com سايتىنا سىلتەمە جاساعان egemen.kz ءتىلشىسى حابارلادى.
بۇگىن جۋرناليست زەرتتەۋشىلەردىڭ حالىقارالىق ICIJ كونسورتسيۋمى قازىرگى جانە بۇرىنعى مەملەكەت باسشىلارىنىڭ قۇجاتتارىن زەرتتەي كەلىپ, ولاردىڭ وففشورلىق شوتتا كەم دەگەندە 21 ترلن. اقش دوللارىن جاسىرعانىن انىقتادى. دەگەنمەن بۇل ءالى تولىق دەرەك ەمەس. كونسورتسيۋمنىڭ مالىمەتىنە قاراعاندا, جاسىرىنعان اقشا 32 ترلن. اقش دوللارىنا دەيىن جەتۋى مۇمكىن.
وسى اپتادا ICIJ كونسورتسيۋمى پانامالىق Mossack Fonseca كومپانياسىنىڭ مالىمەتتەرىنە سۇيەنىپ, بۇرىنعى جانە قازىرگى مەملەكەت باسشىلارىنىڭ وففشورلىق شوتىنا قاتىستى 11,5 ملن. قۇجاتتى جاريالاعان بولاتىن. بۇل ماتەريالدار قۇجاتتاردى تىركەۋ قىزمەتىمەن اينالاساتىن پانامالىق كومپانيانىڭ اتىنا بايلانىستى «پاناما قۇجاتتارى» (Panama Papers) دەگەن اتاۋعا يە بولدى.
داستان كەنجالين.
دەرەك: europe.newsweek.com
فوتو:112.ua