ورال. 6 ءساۋىر. باتىس قازاقستان وبلىسىنىڭ اقساي قالاسىندا جۇكتى ايەلدىڭ ۇستىنە قوقىس جاشىگى قۇلاپ كەتتى. بۇل تۋرالى mgorod.kz-كە سىلتەمە جاساعان egemen.kz ءتىلشىسى حابارلادى.
وقىس وقيعا كەشە ساعات 11:00 شاماسىندا قالانىڭ 4-شاعىن اۋدانىندا بولعان. اتاپ ايتقاندا, ارنايى كولىككە قوقىس قالدىقتارىن تيەپ جاتقان كەزدە, ونىڭ جانىنا تۇرمىس قالدىقتارىن لاقتىرۋ ءۇشىن اياعى اۋىر ازاماتشا كەلگەن. سول ساتتە كولىكتىڭ كوتەرگىش قۇرىلعىسى سىنىپ, وعان ىلىنگەن جاشىك ايەلدىڭ ۇستىنە قۇلاپ كەتكەن. سالدارىنان زارداپ شەگۋشىنىڭ قول-اياعى سىنىپ, ول دەرەۋ اۋرۋحاناعا جەتكىزىلدى.
ءبورلى اۋداندىق ىشكى ىستەر ءبولىمىنىڭ ءباسپاسوز قىزمەتى تاراتقان مالىمەتكە سۇيەنسەك, قازىرگى تاڭدا ازاماتشا اۋرۋحانانىڭ جانساقتاۋ بولىمىندە جاتىر. دارىگەرلەر ايەلدىڭ ەسىن جيعانىمەن, جاعدايى اۋىر ەكەنىن ايتىپ وتىر. بۇگىندە وسى وقيعاعا قاتىستى تەرگەۋ امالدارى جۇرگىزىلۋدە.
تەمىر قۇسايىن.
دەرەك, فوتو: mgorod.kz.