قازاقستان ۇلتتىق وليمپيادا كوميتەتى (ۇوك) مانەرلەپ سىرعاناۋ بويىنشا قازاقستاندىق سۋديا نادەجدا پارەتسكاياعا قاتىستى جاعدايعا پىكىر ءبىلدىردى, دەپ حابارلايدى Egemen.kz.
بۇعان دەيىن باق-تا قازاقستان سۋدياسى كەيبىر رەسەيلىك سپورتشىلارعا تىم جوعارى بالل قويعان, ال التىن مەدال العان امەريكالىق اليسا ليۋ مەن جاپون سپورتشىلارىنا تىم تومەن باعا بەرگەن دەگەن ايىپتاۋلار پايدا بولعان.
«ادەليا پەتروسيان تورتتىك سەكىرۋدەن اۋىر قاتەلىك جاسادى جانە باسقا سەكىرۋلەردە دە ايقىن قاتەلىكتەر بولدى, بىراق پارەتسكايا رەسەيلىك سپورتشىنى ءبىرىنشى ورىنعا شىعاردى. بۇل باعا تەك قاتىسۋشىلار پەتروسيان جاساعانداي اۋىر قاتەلىكتەر جىبەرسە عانا اقتالۋى مۇمكىن ەدى. بىراق ولاي بولعان جوق: سپورتشىلار مىقتى ونەر كورسەتتى», دەپ جازادى Forbes.
سونىمەن قاتار, Forbes باسىلىمى حالىقارالىق كونكي سپورتى وداعىنىڭ (ISU) وكىلى سۋديالار قويعان ۇپايلارداعى ايىرماشىلىق قالىپتى تاجىريبە ەكەنىن, ءار ەلەمەنت بويىنشا ەڭ جوعارعى جانە ەڭ تومەنگى ۇپايلار ادەتتە ەسەپكە الىنبايتىنىن اتاپ وتكەنىن جازادى. ۇيىم باعالاۋلار ادال جانە ءادىل قويىلعان دەپ سانايدى.
قازاقستان ۇوك حابارلاۋىنشا, وليمپياداعا سۋديالاردى تاعايىنداۋ ولاردىڭ قۇزىرەتىنە كىرمەيدى.
«بۇل فۋنكتسيالار تولىقتاي حالىقارالىق سپورت فەدەراتسيالارىنىڭ قۇزىرەتىندە. مانەرلەپ سىرعاناۋ بويىنشا بۇل مىندەت ISU-عا جۇكتەلگەن, ول وليمپيادا ويىندارىنا قاتىساتىن ماماندار قۇرامىن ءوزى انىقتايدى», دەپ حابارلادى ۇوك.
ISU كانديداتتاردى تاڭداعاندا حالىقارالىق سۋديالىق ساناتىنىڭ بار بولۋىن, بىلىكتىلىكتى جانە ءىرى حالىقارالىق جارىستاردا تاجىريبەنى باسشىلىققا الادى. ۇلتتىق وليمپيادا كوميتەتى بۇل پروتسەسكە اسەر ەتە المايدى جانە شەشىم قابىلداۋعا قاتىسپايدى.
ميلان-كورتينا وليمپياداسىنا قاتىسقان وتانداستارىمىز ەلگە ورالدى
«وليمپياداداعى سۋديالار – تاۋەلسىز تەحنيكالىق ماماندار, ISU ەرەجەلەرىنىڭ شەڭبەرىندە جانە سىرتقى ىقپالدان تاۋەلسىز جۇمىس ىستەيدى. سۋديالاردىڭ جۇمىسى ISU تەحنيكالىق كوميتەتتەرى ارقىلى باقىلانىپ, قاتاڭ ەرەجەلەرمەن رەتتەلەدى», دەپ تولىقتىردى كوميتەت.
كەلەشەك وليمپيادالارعا دايىندىق باستالدى ما؟ استانادا جاڭا شاڭعى بازاسى پايدالانۋعا بەرىلدى