اقش قارۋلى كۇشتەرى ورتالىق قولباسشىلىعىنىڭ وكىلى تيم حوكينس اقش-تىڭ يرانداعى ورمۇز بۇعازى ماڭىنداعى نىساندارعا سوققى جاساعانىن مالىمدەدى, دەپ حابارلايدى Egemen.kz.
NBC News مالىمەتىنشە, تيم حوكينس بۇل شابۋىلداردىڭ «قورعانىس ماقساتىندا» جاسالعانىن جانە «زىمىران ۇشىرۋ قوندىرعىلارى مەن مينا ورناتۋعا ارەكەتتەنگەن يراندىق كاتەرلەرگە» باعىتتالعانىن ناقتىلادى.
اقش پەن يران ىمىراعا كەلمەي وتىر
ونىڭ ايتۋىنشا, سوققىلار يراننىڭ وڭتۇستىگىندەگى ورمۇز بۇعازى ماڭىندا ورنالاسقان بەندەر-ابباس اۋدانىنا جاسالعان. سونىمەن قاتار, تەلەارنا مالىمەتىنشە, 8 ساۋىردەن باستاپ كۇشىنە ەنگەن اقش پەن يران اراسىنداعى ۋاقىتشا اتىستى توقتاتۋ رەجيمىندە قانداي دا ءبىر وزگەرىستەر تۋرالى حابارلانباعان.
«اقش قارۋلى كۇشتەرىنىڭ ورتالىق قولباسشىلىعى جالعاسىپ جاتقان ءبىتىم رەجيمى جاعدايىندا ۇستامدىلىق تانىتا وتىرىپ, ءبىزدىڭ كۇشتەرىمىزدى قورعاۋدى جالعاستىرىپ جاتىر», دەدى ت. حوكينس.
ال يراندىق باق بەندەر-ابباس پەن بۇعاز جاعالاۋىنداعى اۋدانداردا جارىلىستار بولعانىن حابارلادى. Reuters اگەنتتىگىندە قالاداعى جاعداي باقىلاۋدا ەكەنىن جانە الاڭداۋعا نەگىز جوق ەكەنى حابارلاندى.
اقش-تا اۋە شوۋى كەزىندە ەكى اسكەري ۇشاق سوقتىعىستى