25 مامىردا ساعات 19:50-دە «102» ارناسىنا 7 جاسار دانيار ايبەكتىڭ جوعالعانى تۋرالى حابارلاما تۇسكەن. شامامەن ساعات 19:30-دا بالا ۇيدەن شىعىپ كەتكەن ەكەن. شىعىس شاعىن اۋدانىندا جەدەل تۇردە اۋقىمدى ىزدەستىرۋ جۇمىستارى ۇيىمداستىرىلدى, دەپ جازادى Egemen.kz.
ىزدەۋ شارالارىنا پوليتسيا قىزمەتكەرلەرى, كينولوگيالىق قىزمەت, تجد بولىمشەلەرى مەن ەرىكتىلەر جۇمىلدىرىلعان. اۋلالار مەن جاقىن اۋماقتار, قاراتال وزەنىنىڭ بويى جانە بوس جاتقان جەرلەر تەكسەرىلدى. ىزدەۋ اۋماعىن كەڭەيتۋ ماقساتىندا تەپلوۆيزورى بار درون قولدانىلدى. ىزدەستىرۋ جۇمىستارى تۇنگى ۋاقىتتا دا جالعاستى.
جامبىل وبلىسىندا جوعالعان مالشى امان تابىلدى
26 مامىر كۇنى تاڭعى ساعات 05:00 شاماسىندا قاراتال وزەنىندە جۇرگىزىلگەن اۋقىمدى ىزدەستىرۋ جۇمىستارى بارىسىندا بالانىڭ دەنەسى تابىلدى.
«الدىن الا مالىمەت بويىنشا, زورلىق-زومبىلىق بەلگىلەرى انىقتالعان جوق. قازىرگى ۋاقىتتا پوليتسيا قىزمەتكەرلەرى وقيعانىڭ بارلىق ءمان-جايىن انىقتاۋ ماقساتىندا تەكسەرۋ جۇمىستارىن جۇرگىزىپ جاتىر», دەلىنگەن حابارلامادا.
تۇركىستان وبلىسىندا جوعالعان ءجاسوسپىرىم شىمكەنتتەن تابىلدى