الماتىدا كوكجايلاۋ شاتقالىنداعى «Almaty Superski» تاۋ كۋرورتىن سالۋ جوباسىنا قاتىستى قوعامدىق تىڭداۋ ءوتىپ جاتىر. وعان مەملەكەتتىك ورگاندار وكىلدەرى, ەكولوگتار, ساراپشىلار, قوعام بەلسەندىلەرى جانە قالا تۇرعىندارى جينالدى, دەپ حابارلايدى Egemen.kz.
جيىن بارىسىندا الماتى تاۋ كلاستەرىن دامىتۋ, تۋريستىك ينفراقۇرىلىمدى جەتىلدىرۋ, ەكولوگيالىق تالاپتار مەن تابيعي اۋماقتاردى ساقتاۋ ماسەلەلەرى تالقىلانادى.
ايدا بالاەۆا: Almaty Superski تاۋداعى ءتۋريزمدى دامىتۋدىڭ ۇلگىسىنە اينالۋعا ءتيىس
تىڭداۋ بارىسىندا جوباعا قاتىستى ۇسىنىستار مەن پىكىرلەر قارالىپ, ينفراقۇرىلىمدىق باستامالاردىڭ ىلە الاتاۋى تابيعاتىنا اسەرى تالقىلانادى.
«Almaty Superski» جوباسى – الماتى قالاسىنىڭ ماڭىندا حالىقارالىق دەڭگەيدەگى زاماناۋي تاۋ كۋرورتىن قۇرۋعا باعىتتالعان كەشەندى باستاما. جوبا قىسقى ءتۋريزمدى (شاڭعى, سنوۋبورد) دامىتۋمەن قاتار, جاياۋ سەرۋەن باعىتتارىن, ەكوتۋريزمدى جانە سپورتتىق بەلسەندىلىكتەردى قامتيتىن جىل بويعى دەمالىس ينفراقۇرىلىمىن دامىتۋدى كوزدەيدى.
بۇعان دەيىن كوكجايلاۋ جەرلەرى ۇلتتىق پارك قۇرامىنان شىعارىلمايتىنى تۋرالى حابارلاعان ەدىك.