پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا Almaty Superski ءارتۇرلى ازاماتتار توبىنىڭ, ونىڭ ىشىندە بالالى وتباسىلاردىڭ, قارت ادامداردىڭ جانە قوزعالىسى شەكتەۋلى جانداردىڭ تاۋعا قولجەتىمدىلىگىن كەڭەيتۋى مۇمكىن ەكەنىن ايتتى, دەپ جازادى Egemen.kz.
بۇل ءۇشىن اسپالى جولدار, قاۋىپسىز مارشرۋتتار, ۆيزيت-ورتالىقتار, قاراۋ الاڭدارى جانە بازالىق سانيتارلىق ينفراقۇرىلىم قاجەت. ايدا بالاەۆا جوبا جابىق كۋرورت ەمەس, قوعامدىق ينفراقۇرىلىم رەتىندە جۇمىس ىستەۋگە ءتيىس دەپ اتاپ ءوتتى. سونداي-اق مەدەۋ – شىمبۇلاق – كوكجايلاۋ – قۇمبەل سياقتى ءوزارا بايلانىسقان جۇيە تۋريستەر اعىنىن ءتيىمدى ءبولىپ, شىمبۇلاققا تۇسەتىن جۇكتەمەنى ازايتۋعا مۇمكىندىك بەرەدى.
«بىزگە تۇرعىنداردىڭ, ەكولوگتاردىڭ, ساراپشىلاردىڭ, ازاماتتىق قوعام وكىلدەرىنىڭ پىكىرى ماڭىزدى. الايدا تالقىلاۋ فاكتىلەرگە, عىلىمي ساراپتاماعا جانە الماتى مەن بۇكىل ەلدىڭ ۇزاق مەرزىمدى مۇددەلەرىن تۇسىنۋگە نەگىزدەلۋى ءتيىس», دەپ اتاپ ءوتتى ايدا بالاەۆا. الماتى تاۋ كلاستەرىن دامىتۋ تەك زاڭ تالاپتارىن ساقتاۋ, اۋماقتىڭ تابيعاتتى قورعاۋ مارتەبەسىن ساقتاۋ, شەشىمدەردىڭ اشىقتىعى جانە ەكولوگيالىق تالاپتاردى ورىنداۋ جاعدايىندا عانا مۇمكىن. Almaty Superski جوباسى ناقتى ەرەجەلەرى بار, باقىلاۋعا الىناتىن جانە قوعامدىق مۇددەلەر ەسكەرىلەتىن رەتتەلەتىن ينفراقۇرىلىم رەتىندە جۇزەگە اسىرىلۋى ءتيىس. مينيستر بۇعان دەيىن Almaty Superski جوباسىنىڭ قازاقستاننىڭ تۋريزم سالاسىن دامىتۋداعى ماڭىزىن اتاپ ءوتتى.