استانا. 8 ءساۋىر. سيريانىڭ داماسك قالاسىندا لاڭكەستەردىڭ شابۋىلىنان 175 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
Sky News Arabia تەلەارناسىنىڭ حابارلاۋىنشا, مەرت بولعانداردىڭ ءبارى «باديا يسمينت» تسەمەنت زاۋىتىنىڭ قىزمەتكەرلەرى. وقيعا داماسك قالاسىنا تاياۋ دۋمەير ايماعىنداعى ابۋ-شاممات ەلدى مەكەنىندە بولعان. زاۋىت ىشىنە باسا-كوكتەپ كىرگەن سودىرلار 340 جۇمىسشىنى تۇتقىنعا الىپ كەتكەن. كەيىنىرەك 100 ادامنىڭ امان-ەسەن قۇتىلىپ شىققانى بەلگىلى بولدى.
مالىمەتتەرگە سايكەس, تەررورلىق ارەكەتتى دايش ۇيىمىنىڭ سودىرلارى جاساعان.
ايتا كەتەيىك, دۋمەير ايماعى داماسك پەن باعداد قالالارى ارالىعىنداعى جول بويىندا ورنالاسقان. ەكسترەميستەر 2013 جىلدىڭ جەلتوقسان ايىندا وسى جەرگە شابۋىل جاساپ, 100-دەن استام ادام مەرت بولعان.
ايان ءابدۋالي.
دەرەك, فوتو: تاسس.