استانا. 7 ءساۋىر. قازاقستان پرەزيدەنتى اقش-تىڭ ەنەرگەتيكا ءمينيسترى ەرنەست ءمونيزدى قابىلدادى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى.
كەزدەسۋ بارىسىندا ەنەرگەتيكالىق قاۋىپسىزدىك, مۇناي-گاز يندۋسترياسى, ەلەكتر ەنەرگەتيكاسى جانە قورشاعان ورتانى قورعاۋ سالالارىنداعى ىنتىماقتاستىقتى نىعايتۋ ماسەلەلەرى قاراستىرىلدى.
سونداي-اق, تاراپتار ەنەرگەتيكا سالاسىن دامىتۋداعى باستى ترەندتەردى, مۇناي باعاسىن قالىپتاستىرۋعا ىقپال ەتەتىن نەگىزگى فاكتورلاردى, ءداستۇرلى ەنەرگيا كوزدەرىنىڭ ورنىن باساتىن جاڭا ەنەرگيا تۇرلەرىن پايدالانۋ پەرسپەكتيۆالارىن تالقىلادى.
سونىمەن قاتار, نۇرسۇلتان نازارباەۆ پەن ەرنەست مونيز ەلىمىزدىڭ ەنەرگەتيكا سەكتورىنا امەريكا كومپانيالارىنىڭ قاتىسۋ اسپەكتىلەرىن, قازاقستاندا «جاسىل ەنەرگيانى» پايدالانۋ اياسىن كەڭەيتۋ جونىندەگى جوسپارلاردى, يادرولىق ەنەرگەتيكاداعى جاڭا تەحنولوگيالار مەن جاڭعىرتىلاتىن ەنەرگيا كوزدەرىنەن ەنەرگيا وندىرۋگە جۇمسالاتىن شىعىستار جايىن دا ءسوز ەتتى.
يادرولىق قاۋىپسىزدىك تاقىرىبىنا ارنايى نازار اۋدارىلدى, بۇل ماسەلە بويىنشا ەكى ەل اراسىنداعى ءوزارا ىنتىماقتاستىق نىعايىپ كەلەدى. قازاقستان مەن اقش يادرولىق ماتەريالدار قاۋىپسىزدىگىن ارتتىرۋ, جوعارى بايىتىلعان ۋراندى قولدانۋ اياسىن تارىلتۋ باعىتىندا بىرلەسە جۇمىس جۇرگىزۋدە. سونداي-اق, يراننىڭ يادرولىق باعدارلاماسى جونىندەگى كەلىسىمگە قاتىستى ماسەلەلەردى شەشۋ ىسىنە قوسقان قازاقستاننىڭ ەلەۋلى ۇلەسى اتاپ ءوتىلدى.
نۇرسۇلتان نازارباەۆ قازاقستان مەن اقش اراسىندا بارلىق باعىتتا سەرىكتەستىك قارىم-قاتىناس ورناعانىن, سونىڭ ىشىندە ەنەرگەتيكا سالاسىنداعى جۇمىس بىرقاتار ەكىجاقتى قۇجاتتار اياسىندا ءجۇرىپ جاتقانىن ايتتى.
ەرنەست مونيز ءبىزدىڭ ەلدە وتكەن كەلىسسوزدەردىڭ جەمىستى بولعانىنا نازار اۋداردى جانە كەزدەسۋدە ايقىندالعان بارلىق ماسەلەلەر بويىنشا قازاقستان مەن اقش اراسىنداعى ىنتىماقتاستىقتىڭ بۇدان ءارى جالعاسا بەرەتىنىنە سەنىم ءبىلدىردى.
تالعات رايىمبەك.
دەرەك, فوتو: akorda.kz.