استانا. 7 ءساۋىر. «گارري پوتتەر» كىتاپتارىنىڭ اۆتورى دجوان روۋلينگتىڭ 1930 جىلى ەمەننەن جاسالعان ورىندىعى ارنايى ۇيىمداستىرىلعان اۋكتسيوندا 394 مىڭ دوللارعا ساتىلدى. بۇل تۋرالى informing.ru-عا سىلتەمە جاساعان egemen.kz ءتىلشىسى حابارلادى. تانىمال جازۋشىنىڭ ەدينبۋر قالاسىنداعى ۇيىندە وسىعان ۇقساس ءتورت ورىندىعى بار. ەرەكشەلىگى دجوان روۋلينگ ايگىلى كىتاپتاردىڭ ەكى تومىن وسى جيھازداردا وتىرىپ جازعان. اۋكتسيونعا قوياردان بۇرىن ول «سىرتقى كەلبەتىنە قاراپ باعالاماڭىزدار, مەن «گارري پوتتەردى» وسى ورىندىقتا جازدىم» دەگەن جازۋىن قالدىردى. ايتا كەتەيىك, ونىڭ سيقىرشى «گارري پوتتەر» تۋرالى كىتاپتارى بىرنەشە ماراپاتقا يە بولىپ, 400 ميلليون دانا كولەمىندە ساتىلدى. كەيىن تاريحتاعى ساتىلىمى مول كىتاپتار سەرياسىنا اينالىپ, سۇرانىسى جوعارى فيلمدەردىڭ قاتارىنا ەندى. ايان ءابدۋالي. دەرەك: informing.ru. فوتو: obk.kz.