استانا: 7 ءساۋىر. بۇگىن «قايرات» فۋتبول كلۋبىنىڭ جاڭا باس جاتتىقتىرۋشىسى بولىپ بەلگىلى گرۋزيالىق مامان كاحابەر تسحادادزە تاعايىندالدى. بۇل تۋرالى كلۋبتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
كاحابەر تسحادادزەنى وتكەن عاسىردىڭ 80-90-شى جىلدارى فۋتبولدى تاماشالاعان جانكۇيەرلەر جاقسى بىلەدى. ول الدىمەن ءتبيليسيدىڭ «دينامو» كومانداسىندا, ودان كەيىن گەرمانيانىڭ «اينتراحت», انگليانىڭ «مانچەستەر سيتي», ماسكەۋدىڭ «دينامو» مەن «سپارتاك» كلۋبتارىندا ويناعان. سونىمەن بىرگە ول تمد قۇراماسىندا جاسىل الاڭعا شىعىپ, كەيىن ءبىراز جىل گرۋزيا ۇلتتىق قۇراما كومانداسىندا ونەر كورسەتكەن.
جاتتىقتىرۋشىلىق قىزمەتىن 2001 جىلى باستاعان. سول كەزدە گرۋزيانىڭ «لوكوموتيۆ» كومانداسىن جاتتىقتىرعان. وسى قىزمەتتەن كەيىن كاحابەر تسحادادزە «سيوني», باكۋدىڭ «ستاندارت» جانە «ينتەر» كلۋبتارىندا جۇمىس ىستەگەن. بيىلعى جىلعا دەيىن گرۋزيانىڭ ۇلتتىق قۇراما كومانداسىن جاتتىقتىردى. جاتتىقتىرۋشى رەتىندە ول ەكى رەت گرۋزيانىڭ, ءبىر رەت ازەربايجاننىڭ چەمپيوناتىن جەڭىپ الدى.
داستان كەنجالين.
دەرەك, فوتو: fckairat.kz