استانا. 7 ءساۋىر. جاپونيادا اسكەري ۇشاق اپاتقا ۇشىرادى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
پوليتسيا قىزمەتكەرلەرىنىڭ ايتۋىنشا, اۋەگە كوتەرىلگەننەن كەيىن ەلدىڭ وڭتۇستىك-باتىسىندا راداردان جوعالىپ كەتكەن. ارتىنشا, كوپ كەشىكپەي U-125 پاترۋلدىك ۇشاعى وڭتۇستىك ايماقتا تاۋدان تابىلدى.
Kudo اگەنتتىگى بورتتا 6 ادامنىڭ بولعاندىعىن ءارى وقيعا ورنىندا ءبارىنىڭ قازا تاپقانى جونىندە اقپارات تاراتتى. مالىمەتتەرگە سايكەس, كيۋچيۋ ارالىندا كاگوسيما پرەفەكتۋراسىنداعى تاۋلى جەردە اپاتقا ۇشىراعان. ىزدەۋ-قۇتقارۋ جۇمىستارىنا 600-گە جۋىق اسكەري قىزمەتشى مەن ءورت سوندىرۋشىلەر جۇمىلدىرىلدى.
ايان ءابدۋالي.
دەرەك: inform.kz.
فوتو: blog.livedoor.jp.