استانا. 7 ءساۋىر. ساحنادا ءان سالىپ تۇرعان يندونەزيالىق يرما بيۋل اتتى ءانشىنى جىلان شاعىپ, سالدارىنان ول قازا تاپتى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
ءانشى جىلاندار شوۋىندا ونەر كورسەتىپ, تانىمال بولعان. ول كەزەكتى قويىلىم كەزىندە ساحنادا جاتقان كوبرانى بايقاۋسىزدا اياعىمەن باسىپ كەتكەن. سول ساتتە جىلان ونى شاعىپ العان. دەگەنمەن, يرما مۇنى ەلەمەستەن, ساحنادا تاعى 45 مينۋت ونەر كورسەتكەن. تەك سودان كەيىن بارىپ, 29 جاستاعى ءانشىنىڭ جۇرەگى تالىقسىپ, دەنەسى دىرىلدەي جونەلگەن.
جەدەل جاردەم يرمانى اۋرۋحاناعا جەتكىزگەنىمەن, دارىگەرلەر ونى ولىمنەن اراشالاپ الىپ قالا المادى.
قازىرگى ۋاقىتتا پوليتسيا ءانشىنىڭ ولىمىنە بايلانىستى تەرگەۋ امالدارىن جۇرگىزۋدە.
تالعات رايىمبەك.
دەرەك, فوتو: 24.kz.