استانا. 6 ءساۋىر. قازاقستان پرەزيدەنتى نۇرسۇلتان نازارباەۆ ازەربايجان پرەزيدەنتى يلحام اليەۆپەن جانە ارمەنيا رەسپۋبليكاسىنىڭ پرەزيدەنتى سەرج سارگسيانمەن تەلەفون ارقىلى سويلەستى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى.
قازاقستان پرەزيدەنتى ازەربايجان جانە ارمەنيا باسشىلارىمەن تەلەفون ارقىلى جەكە-جەكە سويلەستى.
ەكى ەلدىڭ كوشباسشىلارىمەن اڭگىمە بارىسىندا نۇرسۇلتان نازارباەۆ تاۋلى قاراباق ايماعىندا تاياۋدا بولعان وقيعا بارىسىندا قاراپايىم ادامدار مەن اسكەري قىزمەتشىلەردىڭ قازا بولۋىنا بايلانىستى كوڭىل ايتتى.
قازاقستان پرەزيدەنتى ەكى ەل باسشىلارىن تاۋلى قاراباقتاعى احۋالدى ۋشىقتىرماۋعا جانە بەيبىت كەلىسسوزدەردى حالىقارالىق قۇقىققا تولىق سايكەستىكتە قايتا قالپىنا كەلتىرۋگە شاقىردى. بۇل رەتتە ەقىۇ-نىڭ مينسك توبىنا ايرىقشا ءرول بەرىلەدى.
سونداي-اق, ەكىجاقتى ىنتىماقتاستىقتىڭ بىرقاتار ماسەلەلەرى تالقىلاندى.
تالعات رايىمبەك.
دەرەك, فوتو: akorda.kz.