استانا. قازاقستان رەسپۋبليكاسى قارجى ۆيتسە-ءمينيسترى بولىپ تاتيانا ساۆەلەۆا تاعايىندالدى. بۇل تۋرالى minfin.gov.kz سايتىنا سىلتەمە جاساعان egemen.kz ءتىلشىسى حابارلادى.
تاتيانا ساۆەلەۆا 1976 جىلى تۋعان. 2001 جىلى اقمولا اگرارلىق ۋنيۆەرسيتەتىن «ەكونوميكا جانە مەنەدجمەنت» ماماندىعى بويىنشا بىتىرگەن. 2007 جىلى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن «ەكونوميكا» ماماندىعىن بويىنشا اياقتاعان.
ەڭبەك جولىن 1999 جىلى استانا قالاسى قارجى باسقارماسىنىڭ جەتەكشى مامانى بولىپ باستاعان. 2002 جىلى قارجى مينيسترلىگىنىڭ مەملەكەتتىك بيۋدجەت دەپارتامەنتى رەسپۋبليكالىق بيۋدجەتتى دايىنداۋ باسقارماسىنىڭ بيۋدجەتتى دايىنداۋ بولىمىنە باس مامان بولىپ قىزمەتكە ورنالاستى.
2002 جىلدىڭ قازان ايى مەن 2008 جىلدىڭ قاراشا ايى ارالىعىندا ەكونوميكا جانە بيۋدجەتتى جوسپارلاۋ مينيسترلىگىندە باس مامان, ءبولىم باستىعى, باسقارما باستىعىنىڭ ورىنباسارى, باس ساراپشى, بيۋدجەتتىك ساياسات جانە جوسپارلاۋ دەپارتامەنتى ديرەكتورىنىڭ ورىنباسارى قىزمەتتەرىن اتقاردى.
2012 ماۋسىم ايىنان وسى كەزگە دەيىن قارجى مينيسترلىگىنىڭ بيۋدجەتتى جوسپارلاۋ جانە بولجاۋ دەپارتامەنتىنىڭ ديرەكتورى بولىپ ىستەدى.
داستان كەنجالين.
دەرەك, فوتو: minfin.gov.kz