استانا. 6 ءساۋىر. Volkswagen اۆتوكونتسەرنى قىتايدا تاراعان اقاۋى بار 104 مىڭ كولىكتى كەرى شاقىردى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
كومپانيا باسشىلىعى 2010 جىلدىڭ 12 قاڭتارى مەن 2016 جىلدىڭ 19 قاڭتارى ارالىعىندا شىققان Touareg ۇلگىسىندەگى كولىك يەلەرىنە شاقىرۋ جىبەردى. ولاردىڭ ايتۋىنشا, اتالعان اۆتوموبيلدەردىڭ تەجەگىشىندە كەمشىلىك پايدا بولعان. AQSIQ حابارلاماسىندا بۇل ولقىلىق الداعى ۋاقىتتا جۇرگىزۋشىنىڭ تەجەگىشتى تولىق كۇيدە باسقارا الماۋىنا الىپ كەلەتىنى كورسەتىلگەن. مۇنىڭ ارتى جول اپاتىنا الىپ كەلۋى ابدەن مۇمكىن.
ايتا كەتەيىك, وتكەن جىلى اتالعان اۆتوكونتسەرن زاڭسىز تۇردە قورشاعان ورتاعا تارايتىن قالدىقتاردى ازايتىپ كورسەتەتىن قۇرىلعى ورناتقان. وسىعان بايلانىستى ەۋروپانىڭ جانە ازيانىڭ بىرقاتار ەلدەرى ءىرى كولەمدە ايىپپۇل سالدى. ال اقش-تىڭ نيۋ-مەكسيكو شتاتى العاش بولىپ كومپانيانىڭ بۇل ءىسىن سوتقا بەردى.
ايان ءابدۋالي.
دەرەك, فوتو: تاسس.