استانا. تۋنيستە ءىرى جول اپاتىنان 3 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ءتۋنيستىڭ Mosaique FM راديوستانتسياسىنىڭ حابارلاۋىنشا, جەرگىلىكتى كومپانيالاردىڭ ءبىرى جالداپ مىنگەن اۆتوبۋس گابەس قالاسىنان ەلدىڭ ورتالىعىنداعى گافسۋ قالاسىنا باعىت العان. ال ەل-حامما ايماعىنا تاياۋ جەردە جۇك كولىگىمەن سوقتىعىسىپ قالدى. سالدارىنان فيرما جۇمىسشىلارى وپات بولدى. سونداي-اق, 30 ادام ءتۇرلى دەڭگەيدە جاراقات الىپ, جاقىن ماڭايداعى اۋرۋحانالاردىڭ بىرىنە جەتكىزىلدى.
اپاتتى جاعدايعا كىمنىڭ كىنالى ەكەنى ازىرگە بەلگىسىز. الايدا, الدىن الا بولجام بويىنشا, ەكى كولىكتىڭ ءبىرى جولدىڭ قارسى بەتىنە شىعىپ كەتكەن. قازىرگى كەزدە پوليتسيا قىزمەتكەرلەرى وقيعا ورنىندا تەرگەۋ جۇمىستارىن جۇرگىزىپ جاتىر.
دەرەك: تاسس.
فوتو: tvc.ru.