قاراعاندى. 6 ءساۋىر. تەمىرتاۋدا مercedes-Benz كولىگى قاعىپ كەتكەن 10 جاسار قىز بالا ءتۇرلى جاراقاتتارمەن اۋرۋحاناعا ءتۇستى. بۇل تۋرالى قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
تەمىرتاۋ قالاسىنداعى مير داڭعىلىنىڭ بويىندا مercedes-Benz كولىگىنىڭ 51 جاستاعى جۇرگىزۋشىسى جاياۋ جۇرگىنشىلەر وتەتىن جەردە 10 جاسار قىز بالانى قاعىپ كەتتى. جاپا شەككەن وقۋشى اۋىر جاراقاتتارمەن قاراعاندىداعى ماقاجانوۆ اتىنداعى كلينيكاعا جەتكىزىلدى.
جۇرگىزۋشى ەشقايدا كەتپەۋ تۋرالى قولحاتپەن بوساتىلدى. ول جىلدامدىقتى شامادان تىس اسىرىپ, وقۋشى قىزدى قاعىپ كەتكەن كىناسىن مويىندادى.
قازىرگى ۋاقىتتا ساراپتامالار تاعايىندالىپ, سوتقا دەيىنگى تەرگەۋ امالدارى جۇرگىزىلىپ جاتىر.
قايرات ءابىلدينوۆ.
دەرەك: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
فوتو: info-rm.com.