استانا. 31 ناۋرىز. نيگەريانىڭ وڭتۇستىك-شىعىسىنداعى ديففا قالاسىندا سودىرلار پوليتسيا قىزمەتكەرلەرىنە شابۋىل جاسادى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
وقيعا ورنىندا 6 سارباز قازا تاۋىپ, تاعى 3 ادام جاراقات الدى. لاڭكەستىك ارەكەتتەرىن جۇزەگە اسىرعاننان كەيىن جاسىرىنىپ ۇلگەرگەن. قازىرگى كەزدە ولاردى تىكۇشاقتاردىڭ كومەگىمەن ىزدەستىرۋ جۇمىستارى ءجۇرىپ جاتىر. كۋاگەرلەردىڭ ايتۋىنشا, بۇل جولعى تەرراكتىنى دە «بوكو حارام» راديكالدى ۇيىمىنىڭ سودىرلارى جاساعان.
ايتا كەتەيىك, اتالعان توپتىڭ شابۋىلدارىنان 2009 جىلدان بەرى بارلىعى 20 مىڭعا جۋىق ادام قازا تاۋىپ, ونداعان مىڭ تۇرعىن ءتۇرلى جاراقات العان. ولار كوبىنە نيگەريانىڭ سولتۇستىك بولىگىندە, كامەرۋن جانە چاد ەلدەرىندە تەررورلىق ىستەرىن جۇزەگە اسىرادى.
ايان ءابدۋالي.
دەرەك: ريا «نوۆوستي».
فوتو: 112.ua.