اقمولا وبلىسى پاترۋلدىك پوليتسيا قىزمەتكەرلەرى «استانا - اتباسار - جاقسى» اۆتوجولىنىڭ 25 شاقىرىمىندا ەت ونىمدەرىن زاڭسىز تاسىمالداۋ فاكتىسىن انىقتادى, دەپ حابارلايدى Egemen.kz.
«گازەل» ماركالى اۆتوكولىكتى تەكسەرۋ كەزىندە ءتارتىپ ساقشىلارى ءىرى قارا مالدىڭ ءتورت باسىن تاپتى. جۇرگىزۋشى جۇكتىڭ ءتيىستى ۆەتەرينارلىق جانە ىلەسپە قۇجاتتارى جوق ەكەنىن بىردەن مويىندادى.
تاعى ءبىر ۇقساس جاعداي سول باعىتتا تىركەلدى. پوليتسيا «Volkswagen Transporter» ماركالى مينيۆەندى توقتاتىپ, ونىڭ سالونىنان قاجەتتى قۇجاتسىز التى باس ءىرى قارانى انىقتادى.
ونىڭ ايتۋىنشا, ەت استانا قالاسىندا ساتۋعا ارنالعان.ەكى جاعدايدا دا ۆەتەرينارلىق ىلەسپە قۇجاتتار بولمادى, بۇل بەلگىلەنگەن تالاپتاردى بۇزۋ بولىپ سانالادى. جۇرگىزۋشىلەر جاقىن ماڭداعى پوليتسيا بولىمىنە جەتكىزىلدى, وندا ۋچاسكەلىك ينسپەكتورلار زاڭناماعا سايكەس ودان ءارى شارالار قابىلدايدى.
دەپۋتات: ەت ونىمدەرىنىڭ ەكسپورتىنا تىيىم سالۋدى توقتاتۋ قاجەت
پوليتسەيلەر ازاماتتاردان زاڭنامانىڭ تالاپتارىن ساقتاۋدى سۇراپ, ەت ونىمدەرىن تاسىمالداۋ كەزىندە بارلىق قاجەتتى قۇجاتتار بولۋى كەرەك ەكەنىن ەسكەرتتى.
ەت ەكسپورتىنا تالاپ جوعارى
ايتا كەتەيىك, بۇعان دەيىن قاراعاندى وبلىسىندا پاتەر توناۋمەن اينالىسقان قىلمىستىق توپ ۇستالعانىن حابارلاعان ەدىك.