قازاۆتوجول مالىمەتىنشە, اۋا رايىنىڭ ناشارلاۋىنا بايلانىستى بىرنەشە وڭىردە جول قوزعالىسىنا ۋاقىتشا شەكتەۋ ەنگىزىلدى, دەپ حابارلايدى Egemen.kz.
15:00-دەن باستاپ «جەزقازعان – ارقالىق – پەتروپاۆل» اۆتوجولىنىڭ 340-377 شاقىرىمىندا (ارقالىق – اقمولا وبلىسىنىڭ شەكاراسى) جۇك جانە قوعامدىق كولىكتەر ءۇشىن قوزعالىس شەكتەلدى.
17:30-دان باستاپ «قوستاناي – اۋليەكول – سۇرعان» اۆتوجولىنىڭ 8-218 شاقىرىمىندا (توبىل – وكتيابرسكي) جۇك جانە قوعامدىق كولىكتەر قوزعالىسىنا شەكتەۋ قويىلدى.
بولجامعا سايكەس, جولدار 23 اقپان ساعات 08:00-دە اشىلادى.
اقمولا وبلىسى:15:00-دەن باستاپ بارلىق كولىك تۇرلەرى ءۇشىن مىنا ۋچاسكەلەردە قوزعالىس شەكتەلدى:
«استانا – اتباسار – جاقسى – رۋزاەۆكا – سارىكول – قوستاناي – رف شەكاراسى» اۆتوجولىنىڭ 147-192 شاقىرىمى (جالتىر – جاقسى);
«جاقسى – ەسىل – بۇزىلىق» اۆتوجولىنىڭ 0-82 شاقىرىمى (جاقسى – بۇزىلىق).
15:20-دان باستاپ «جەزقازعان – ارقالىق – پەتروپاۆل» اۆتوجولىنىڭ 377-552 شاقىرىمىندا (قوستاناي وبلىسىنىڭ شەكاراسى – سۇرعان) جۇك جانە قوعامدىق كولىكتەر قوزعالىسىنا شەكتەۋ ەنگىزىلدى.
17:00-دەن باستاپ «كوكشەتاۋ – اتباسار» اۆتوجولىنىڭ 47-184 شاقىرىمىندا (زەرەندى – اتباسار) بارلىق كولىك تۇرلەرى ءۇشىن قوزعالىس توقتاتىلدى.
بارلىق باعىت بويىنشا جولداردى اشۋ ۋاقىتى الدىن الا 23 اقپان ساعات 08:00-گە جوسپارلانعان.