استانا. 27 ناۋرىز. كوت-د'يۆۋاردا فەرمەرلەر مەن مالشىلاردىڭ قاقتىعىسىنان 17 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ماسەلە كوشپەلى مالشىلار مەن وتىرىقشى ديقانداردىڭ مال جايىلىمىنداعى سۋ رەسۋرسىن پايدالانۋ تۋرالى كەلىسپەۋشىلىكتەن تۋىنداعان. قوراعانىس مينيسترلىگىنىڭ وكىلى ۆينسەنت توحتىڭ ايتۋىنشا, وقيعا وسى ايدىڭ 23-نەن 24-نە قاراعان ءتۇنى بولعان. سونداي-اق, اراشا ءتۇسىپ, جانجالدى توقتاتپاق بولعان تاعى 39 ادام زارداپ شەككەنىن, ولاردىڭ ىشىندە بەسەۋى قاۋىپسىزدىك كۇشتەرى قىزمەتكەرلەرى ەكەنىن مالىمدەدى.
بۇل بەرىلىپ وتىرعان الدىن الا مالىمەتتەر, ال بيلىك جاقىن كۇندەردە نەمەسە ساعاتتاردا قاقتىعىس قۇرباندارىنىڭ سانى ءوسۋى مۇمكىن دەگەن بولجام جاساپ وتىر.
ايتا كەتەيىك, كوت-د'يۆۋاردا فەرمەرلەر مەن مالشىلار اراسىندا قاقتىعىستار ءجيى بولىپ تۇرادى, الايدا مۇنداي ەلەۋلى شىعىنعا بارعان كەزدەرى سيرەك. سۋ رەسۋرستارى مەن مال ءورىسىن پايدالانۋعا بايلانىستى تۋىنداعان وسى كيكىلجىڭدى شارۋالاردىڭ ايتۋىنشا, ول جەرلەردەن مال ايداپ وتكەندە, ەگىس دالاسىن تالقانداپ كەتەدى.
ايان ءابدۋالي.
دەرەك, فوتو: ريا «نوۆوستي».