شىمكەنت. 24 ناۋرىز. وڭتۇستىك قازاقستان وبلىستىق ءماسليحاتىنىڭ جاڭادان سايلانعان دەپۋتاتتارى وزدەرىنىڭ العاشقى سەسسيالارىن وتكىزدى. بۇل تۋرالى egemen.kz ءتىلشىسى حابارلادى.
التىنشى شاقىرىلىمنىڭ العاشقى سەسسياسىندا دەپۋتاتتاردىڭ ۇيعارىمىمەن ءماسليحات حاتشىسى بولىپ حاميتبەك ايتورەەۆ سايلاندى.
سايلاۋ ناتيجەسىنە كەلسەك. وبلىستىق سايلاۋ كوميسسياسىنىڭ توراعاسى الىبەك ومىراليەۆتىڭ ايتۋى بويىنشا حالىق تاڭداۋ جاساعان وبلىستىق ءماسليحاتتىڭ 50 دەپۋتاتىنىڭ 48-ءى «نۇر وتان» پارتياسى, ەكەۋى «اقجول» پارتياسىنىڭ وكىلى. بۇعان قوسىمشا ايتارىمىز بۇرىنعى دەپۋتاتتارىڭ 35-ءى قايتا جەڭىسكە جەتسە, 14 دەپۋتات جاڭادان سايلانعان.
بۇل جولعى دەپۋتاتتار كورپۋسىندا تاعى دا جالعىز ايەل جەڭىسكە جەتكەن. ول «ءبىر ءوزى ون ەر دەپۋتاتقا تاتيتىن» راشكۇل وسپاناليەۆا.
ارىپتەستەرى كاسىپكەر حانىم تۋرالى وسىلاي دەپ ازىلدەيدى.
باقتيار تايجان.
دەرەك, سۋرەت: egemen.kz