الماتى قالاسىندا قازاق دەرماتولوگيا جانە ينفەكتسيالىق اۋرۋلار عىلىمي ورتالىعى مەن جاھاندىق قور بىرلەسىپ ۇيىمداستىرعان ء«ومىر ءۇشىن بىرلىك» اتتى ديالوگ الاڭىندا ساراپشىلار ايتۆ ينفەكتسياسىنىڭ پروفيلاكتيكاسى, دياگنوستيكالاۋ جانە ەمدەۋ شارالارىن, سونداي-اق قىزمەتتەرگە قولجەتىمدىلىكتى كەڭەيتۋ ماسەلەلەرىن تالقىلادى, دەپ حابارلايدى Egemen.kz.
«تەك اشىق ديالوگ پەن رەسۋرستاردى بىرىكتىرۋ ارقىلى عانا ءبىز ايتۆ ينفەكتسياسىنىڭ تارالۋىنا ءتيىمدى قارسى تۇرىپ, پاتسيەنتتەردىڭ ءومىر ساپاسىن جاقسارتا الامىز. بۇگىندە ەلدە يۋنەيدس-ءتىڭ «95-95-95» ستراتەگياسىنىڭ كورسەتكىشتەرى: ايتۆ-مەن ءومىر سۇرەتىن ادامداردىڭ 87%-ى ءوز مارتەبەسىن بىلەدى, ولاردىڭ 89%-ى انتيرەتروۆيرۋستىق تەراپيا الادى, ال ەم قابىلداپ جۇرگەندەردىڭ 92%-ىندا ۆيرۋستىق جۇكتەمە باسىلعان», دەپ اتاپ ءوتتى قدياعو ديرەكتورى روزا قۋانىشبەكوۆا.
تالقىلاۋ بارىسىندا تەستىلەۋدى كەڭەيتۋ, ۇزدىكسىز تەراپيامەن قامتاماسىز ەتۋ, ەمگە بەيىلدىلىكتى ارتتىرۋ جانە ستيگمانى تومەندەتۋ ماسەلەلەرىنە ەرەكشە نازار اۋدارىلدى. ەپيدەميولوگيالىق جاعدايدى تۇراقتاندىرۋ ءۇشىن كۇش-جىگەردى بىرىكتىرۋ قاجەتتىگى اتاپ ءوتىلدى.
شىمكەنت تۇرعىندارى جىل سايىن ايتۆ-عا تەكسەرۋدەن وتەدى
ديالوگ الاڭى بارلىق مۇددەلى تاراپتاردىڭ اراسىنداعى ءىس-قيمىلدى ۇيلەستىرۋگە, تاجىريبە الماسۋعا جانە ارىپتەستىكتى دامىتۋعا مۇمكىندىك بەرەتىن ءتيىمدى پلاتفورماعا اينالدى.
اتىراۋدا ەكى ەر ادام ايتۆ ينفەكتسياسىن قاساقانا جۇقتىردى دەگەن كۇدىككە ءىلىندى