جەلىدە «التىن-ەمەل» ۇلتتىق پاركىندە جۇرگەن قار بارىسىنىڭ ۆيدەوسى تارادى. بەينەروليك ۇيىمنىڭ Instagram جەلىسىندەگى پاراقشاسىندا جاريالانعان, دەپ حابارلايدى Egemen.kz.
پارك قىزمەتكەرى, مەملەكەتتىك ينسپەكتور ەرلان مولداحمەتوۆ جوسپارلى تەكسەرۋ كەزىندە قار بارىسىن ۆيدەوعا ءتۇسىرىپ العان.
«بۇل − سيرەك ءارى اسا قۇندى كادرلاردىڭ ءبىرى. قازاقستاننىڭ قىزىل كىتابىنا ەنگەن قار بارىسىنىڭ تابيعي ورتادا ەركىن تىرشىلىك ەتۋى ەكوجۇيەنىڭ تۇراقتىلىعى مەن ساقتالۋىنىڭ ماڭىزدى كورسەتكىشى بولىپ سانالادى», دەلىنگەن جازبادا.
«التىن-ەمەل» − جەتىسۋ وبلىسىنداعى ءىرى مەملەكەتتىك ۇلتتىق تابيعي پارك, ەلدەگى ەڭ تانىمال تۋريستىك نىسانداردىڭ ءبىرى. مۇندا شولدەر, تاۋ جوتالارى, شاتقالدار مەن دالالار سياقتى الۋان ءتۇرلى لاندشافتتار بار.
الماتى وبلىسىندا قار بارىسىنىڭ ءىزى انىقتالدى
پارك ءوزىنىڭ ەرەكشە تابيعاتىمەن جانە سيرەك جانۋارلارىمەن تانىمال. ولاردىڭ قاتارىندا قۇلان, قاراقۇيرىق جانە قىزىل كىتاپقا ەنگىزىلگەن باسقا دا تۇرلەر كەزدەسەدى.
كاتون-قاراعاي ۇلتتىق پاركىندە قار بارىسى فوتوتۇزاققا ءتۇستى