ورال. 4 ناۋرىز. باتىس قازاقستان وبلىسىنىڭ ورتالىعى – ورال قالاسىنداعى قادىر مىرزا ءالى اتىنداعى مادەنيەت جانە ونەر ورتالىعىندا مەكتەپ وقۋشىلارى اراسىندا IV وبلىستىق قادىر وقۋلارى بايقاۋى ءوتتى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
سىرىم اۋدانى اكىمدىگى مەن وبلىستىق ءبىلىم باسقارماسى بىرلەسىپ ۇيىمداستىرعان بايقاۋ بارىسىندا ءۇش اتالىم بويىنشا جەڭىمپاز-جۇلدەگەرلەر انىقتالدى. اتاپ ايتقاندا, «ءسوزدىڭ ءبارى قۇدىرەتتى...» ءبولىمى بويىنشا قادىر اقىن ولەڭدەرىن جاتقا وقۋدان سىرىمدىق د.ەسجانوۆا مەن تەرەكتىلىك ر.الماشوۆا باس جۇلدەنى يەلەندى. «كەيبىر جىرىم ءدان ۇشىرىپ قىرماندا, كەيبىر جىرىم باقتاشى بوپ ءجۇر ماڭدا» بولىمىنەن اقىن ولەڭدەرىنە جازىلعان اندەردى ورىنداۋدان ورالدىق ا.ەرسايىنوۆا وزىپ شىقتى.
«قۋىپ شىعار قىزىل ءسوزدى وي كەيىن» اتتى قورىتىندى بولىمدە ءوز تۋىندىلارىن اقىنعا ارناعان جاس دارىندار اراسىنان ورالداعى دارىندى بالالارعا ارنالعان س.سەيفۋللين اتىنداعى №11 وبلىستىق مەكتەپ-ينتەرناتى كەشەنىنىڭ شاكىرتى ايسارا زەيىن سۋىرىلىپ شىعىپ, جەڭىمپاز اتاندى.
بارلىق جەڭىمپاز-جۇلدەگەرلەر ديپلومدارمەن, سىيلىقتارمەن ماراپاتتالدى.
تەمىر قۇسايىن.
دەرەك, سۋرەت: inform.kz.