2026 جىلعى نەگىزگى ۇلتتىق بىرىڭعاي تەستىلەۋگە ءوتىنىش قابىلداۋ ناۋقانى مارەسىنە جەتتى. تەستىلەۋ 10 مامىردا باستالىپ, 10 شىلدەگە دەيىن جالعاسادى, ال تالاپكەرلەرگە ونى ەكى رەت تاپسىرىپ, ەڭ جوعارى ناتيجەمەن گرانت كونكۋرسىنا قاتىسۋ مۇمكىندىگى بەرىلگەن, دەپ جازادى Egemen.kz.
عىلىم جانە جوعارى ءبىلىم مينيسترلىگى مالىمەتىنشە, بيىل تەستىلەۋگە قاتىسۋ ءۇشىن 240 مىڭعا جۋىق تالاپكەر 446 مىڭنان استام ءوتىنىش بەرگەن. بۇل وتكەن جىلمەن سالىستىرعاندا ايتارلىقتاي جوعارى (2025 جىلى – شامامەن 216 مىڭ تالاپكەر جانە 399 مىڭ ءوتىنىش). تەستىلەۋدى تاپسىرۋ ءتىلىن تاڭداۋدا تالاپكەرلەردىڭ 73%-ى قازاق ءتىلىن, 27%-عا جۋىعى ورىس ءتىلىن تاڭداسا, 521 ادام اعىلشىن تىلىندە تاپسىرۋعا نيەت بىلدىرگەن.
پاندىك كومبيناتسيالار اراسىندا ەڭ كوپ تاڭدالعانى – «ماتەماتيكا–فيزيكا» (17,9%), ودان كەيىن «بيولوگيا–حيميا» (14,5%) جانە «شىعارماشىلىق ەمتيحان» (12,4%) باعىتتارى. وتىنىشتەر ۇلتتىق تەستىلەۋ ورتالىعى ازىرلەگەن app.testcenter.kz سايتى مەن UTO.kz قوسىمشاسى ارقىلى قابىلداندى. تالاپكەرلەر تەست تاپسىرۋ كۇنىن, ورنىن, ۋاقىتىن وزدەرى تاڭدادى.
ءبىلىم دەڭگەيىن ارتتىرۋ ماقساتىندا قاڭتار جانە ناۋرىز ايلارىنداعى ۇبت ناتيجەلەرى بويىنشا ءار پاننەن جەكە تاقىرىپتىق تالداۋ ۇسىنىلىپ, تالاپكەرلەرگە ءالسىز تۇستارىن انىقتاپ, دايىندىقتى جەتىلدىرۋگە مۇمكىندىك بەرىلدى. سونىمەن قاتار ءبىرىنشى مۇمكىندىكتەن كەيىن ەكىنشى تەستىلەۋگە دەيىن دايىندىقتى جاقسارتۋعا ۋاقىت قاراستىرىلعان.
ۇلتتىق تەستىلەۋ ورتالىعىنىڭ سايتىندا بايقاۋ سىناقتارى ىسكە قوسىلىپ, تەست تاپسىرمالارىنا نەگىز بولعان ادەبيەتتەر ءتىزىمى, تەست جوسپارى, «قازاقستان تاريحى» جانە «دۇنيەجۇزى تاريحى» پاندەرى بويىنشا 100 تاريحي داتا, «ينفورماتيكا» پانىنەن تەرميندەر, سونداي-اق ادەبي شىعارمالار ءتىزىمى جاريالاندى.
ۇبت-عا قوسىمشا تاڭداۋ: AIT تەستىنىڭ ەرەكشەلىگى نەدە؟
2026 جىلى ۇبت فورماتى وزگەرىسسىز قالادى. تالاپكەرلەر 3 مىندەتتى جانە 2 بەيىندىك ءپان تاپسىرادى, تاپسىرمالار سانى – 120. ونىڭ ىشىندە «قازاقستان تاريحىنان» – 20, «وقۋ ساۋاتتىلىعى» مەن «ماتەماتيكالىق ساۋاتتىلىقتان» – 10 تاپسىرمادان, ال ءار بەيىندىك پاننەن – 40 تاپسىرما بەرىلەدى. ەڭ جوعارى بالل – 140.
تەستىلەۋ ۋاقىتى 4 ساعات (240 مينۋت). ەرەكشە ءبىلىم بەرۋ قاجەتتىلىكتەرى بار تالاپكەرلەر ءۇشىن قوسىمشا 40 مينۋت ۋاقىت ساقتالادى. ەمتيحان كەزىندە تەستىلەۋ جۇيەسىندە كالكۋلياتور, حيميالىق ەلەمەنتتەردىڭ پەريودتىق جۇيەسى جانە تۇزداردىڭ ەرىگىشتىك كەستەسى قولجەتىمدى بولادى, سونداي-اق ولاردىڭ قاعاز نۇسقالارى ۇسىنىلادى.
تەستىلەۋ اياقتالعان سوڭ تالاپكەرلەر 30 مينۋت ىشىندە اپەللياتسياعا ءوتىنىش بەرە الادى. اپەللياتسيالىق كوميسسيا شەشىمىنەن كەيىن سەرتيفيكات جەكە كابينەتتە جاريالانادى. سونىمەن قاتار ءوتىنىشتى كوميسسيا وتىرىسى باستالعانعا دەيىن كەرى قايتارىپ الۋ مۇمكىندىگى بار.
مينيستر ۇبت-عا قاتىستى جاڭاشا وزگەرىستەردىڭ قانداي بولاتىنىن جاريالادى
مينيمالدى شەكتى بالدار وزگەرىسسىز قالدى: ۇلتتىق جوو-لار ءۇشىن – 65 بالل, باسقا جوعارى وقۋ ورىندارىنا – 50 بالل, «پەداگوگيكالىق عىلىمدار» باعىتىنا – 75 بالل, «دەنساۋلىق ساقتاۋ» – 70 بالل, «قۇقىق» – 75 بالل. بۇل رەتتە ءار ءپان بويىنشا بەلگىلەنگەن ەڭ تومەنگى بالل تالاپتارىن ساقتاۋ مىندەتتى.
قاۋىپسىزدىك شارالارى دا كۇشەيتىلگەن. تەستىلەۋ پۋنكتتەرىندە مەتالل ىزدەگىشتەر ارقىلى تىيىم سالىنعان زاتتاردى كىرگىزبەۋ باقىلاۋى جۇرگىزىلەدى, اۋديتوريالاردا بايلانىس سيگنالدارىن باساتىن قۇرىلعىلار ورناتىلىپ, بەينەباقىلاۋ قامتاماسىز ەتىلەدى.
2026 جىلعى ۇبت اياقتالعاننان كەيىن 31 قازانعا دەيىن بەينەجازبالارعا تالداۋ جۇرگىزىلەدى. ەرەجەلەردى بۇزۋ دەرەكتەرى انىقتالعان جاعدايدا تالاپكەردىڭ ناتيجەلەرى, ءتىپتى گرانت يەگەرى اتانعان بولسا دا, جويىلادى.
ۇبت ناتيجەسى جەتكىلىكسىز: بولاشاق مۇعالىمدەر ءۇشىن قوسىمشا ەمتيحان ەنگىزىلەدى