ورال. 9 ناۋرىز. ەلباسى باتىس قازاقستان وبلىسىنا جاساعان جۇمىس ساپارى اياسىندا «بولاشاق-ت» جشس ۇي قۇرىلىسى كومبيناتىندا بولدى. بۇل تۋرالى akorda.kz حابارلادى.
مۇندا مەملەكەت باسشىسىنا «وڭىرلەردى دامىتۋ» باعدارلاماسىن جۇزەگە اسىرۋ جانە جەكە ءۇي قۇرىلىسى كومبيناتتارىن دامىتۋ جوباسى تۋرالى باياندالدى.
نۇرسۇلتان نازارباەۆ دايىن ءونىم ۇلگىلەرىمەن تانىسىپ, كاسىپورىننىڭ ەڭبەك ۇجىمىمەن اڭگىمەلەستى.
قازاقستان پرەزيدەنتى وڭىرلەردىڭ دامۋى مەن ءۇي قۇرىلىسىنىڭ كوبەيۋى ەسەبىنەن ەلدەگى وسىنداي ونەركاسىپ نىساندارىنا دەگەن قاجەتتىلىك ارتاتىنىن ايتتى.
مەملەكەت باسشىسى ۇجىمعا تابىس تىلەپ, وبلىستا cالانىڭ جۇمىسىنا قولايلى بارلىق قاجەتتى جاعدايلار جاسالىپ جاتقانىن اتاپ ءوتتى.
ءۇي قۇرىلىسى كومبيناتى كوپشىلىككە ارنالعان ۇيلەر قۇرىلىسىن قامتاماسىز ەتۋ ءۇشىن تەمىر-بەتون بۇيىمدارىن, پەرسپەكتيۆالى قۇراستىرمالى جۇيەلەر جاساپ شىعارادى. ونىڭ قۋاتى جىلىنا جالپى اۋماعى 50 مىڭ شارشى مەتر عيمارات سالىناتىن ءونىم شىعارۋعا لايىقتالعان.
تەمىر قۇسايىن.
دەرەك, سۋرەت: akorda.kz.