استانا. 7 ناۋرىز. تۇركيانىڭ ەگەي تەڭىزىنىڭ جاعالاۋىندا بوسقىندار مىنگەن كەمە اپاتقا ۇشىراپ, 18 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
قۇتقارۋشىلار توبى 15 ادامدى قۇتقارىپ قالدى. ىزدەۋ-قۇتقارۋ جۇمىستارىنا ءۇش كەمە جانە ءبىر تىكۇشاق جۇمىلدىرىلدى.
تۇركيا وسىعان دەيىن 2,5 ميلليون سيريالىق پەن 200 مىڭنان اسا يراك بوسقىندارىن قابىلداعان. ولاردىڭ كوبى تۇركيا ارقىلى ەۋرووداق ەلدەرىنىڭ بىرىنە ءوتىپ كەتۋدى جوسپارلايدى. الايدا, پلاستيكادان, اعاشتان جاسالعان نەمەسە ۇرلەنگەن قايىقتارى ۇزاققا شىداماي, اپاتقا ۇشىراپ جاتادى. بۇگىنگە دەيىن بۇل ەلدىڭ جاعالاۋىندا جۇزدەگەن بوسقىندار مەرت بولدى.
ايتا كەتەيىك, وسى جىلدىڭ 8 اقپانىندا بوسقىندار مىنگەن كوپ ەسكەكتى ۇلكەن قايىق اپاتقا ۇشىراپ, 27 ادام قازا تاپقان.
ايان ءابدۋالي.
دەرەك, سۋرەت: تاسس.