استانا. 6 ناۋرىز. يراندا سوڭعى 12 ايدا ەسىرتكىگە قارسى پوليتسيا قىزمەتكەرلەرى 525 توننا ەسىرتكى تاركىلەدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«يراندا جىل سوڭىندا (21 ناۋرىزدا اياقتالادى) 525 توننا ەسىرتكى تاركىلەندى. بۇل كورسەتكىش وتكەن جىلمەن سالىستىرعاندا 14 پايىزعا كوپ», – دەدى قاۋىپسىزدىك قىزمەتىنىڭ مامانداندىرىلعان بولىمشەسىنىڭ باسشىسى ءالي مويەدي.
تاركىلەنگەندەردىڭ 400 تونناسى وپيۋم بولسا, 75 تونناسى گاشيش. ال قالعاندارى گەروين مەن مورفين. ادام ءومىرى ءۇشىن قاۋىپتى ءشوپتى اكەلگەن بىرنەشە قىلمىسكەردىڭ ءىسى انىقتالدى. ارنايى وپەراتسيا كەزىندە زاڭسىز جولمەن ەسىرتكى تاسىمالداعان 61 ادام مەرت بولدى.
ءالي مويەديدىڭ ايتۋىنشا, ارنايى وپەراتسيا جۇمىستارى كوبىنە يراننىڭ شىعىسىنداعى اۋعانستان جانە پاكىستان ەلدەرىمەن شەكارالاس جاتقان سيستان بەلۋدجيستان پروۆينتسيالارىندا وتكەن. سوڭعى ءبىر جىل ىشىندە بۇل ايماقتا ەسىرتكى تاسىمالداۋشىلار 100 پايىزعا ارتقان.
ايان ءابدۋالي.
دەرەك, سۋرەت: تاسس.
سۋرەت: vesti.ru.