2016 جىلعى 25 اقپان, استانا, ۇكىمەت ءۇيى
«ساۋدا رىنوكتارىنىڭ قىزمەتىن ۇيىمداستىرۋ ەرەجەسىن بەكiتۋ تۋرالى» قازاقستان رەسپۋبليكاسى Yكiمەتiنiڭ 2003 جىلعى 5 اقپانداعى
№ 131 قاۋلىسىنا وزگەرiستەر ەنگiزۋ تۋرالى
قازاقستان رەسپۋبليكاسىنىڭ Yكiمەتi قاۋلى ەتەدi:
1. «ساۋدا رىنوكتارىنىڭ قىزمەتىن ۇيىمداستىرۋ ەرەجەسىن بەكiتۋ تۋرالى» قازاقستان رەسپۋبليكاسى Yكiمەتiنiڭ 2003 جىلعى 5 اقپانداعى № 131 قاۋلىسىنا (قازاقستان رەسپۋبليكاسىنىڭ ءپۇاج-ى, 2003 ج., № 6, 62-قۇجات) مىناداي وزگەرiستەر ەنگiزiلسiن:
تاقىرىپ مىناداي رەداكتسيادا جازىلسىن:
«ساۋدا بازارلارىنىڭ قىزمەتىن ۇيىمداستىرۋ قاعيدالارىن بەكiتۋ تۋرالى»;
كىرىسپە مىناداي رەداكتسيادا جازىلسىن:
«ساۋدا قىزمەتiن رەتتەۋ تۋرالى» 2004 جىلعى 12 ساۋiردەگi قازاقستان رەسپۋبليكاسىنىڭ زاڭى 10-بابىنىڭ 2-7) تارماقشاسىنا سايكەس قازاقستان رەسپۋبليكاسىنىڭ Yكiمەتi قاۋلى ەتەدى:»;
كورسەتىلگەن قاۋلىمەن بەكىتىلگەن ساۋدا رىنوكتارىنىڭ قىزمەتىن ۇيىمداستىرۋ ەرەجەسى (بۇدان ءارى – قاعيدالار) وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى 2018 جىلعى 1 قاڭتاردان باستاپ قولدانىسقا ەنگىزىلەتىن جانە 2020 جىلعى 1 قاڭتارعا دەيىن قولدانىلاتىن قاعيدالاردىڭ 7-تارماعىن, 2020 جىلعى 1 قاڭتاردان باستاپ قولدانىسقا ەنگىزىلەتىن قاعيدالاردىڭ 8-تارماعىن قوسپاعاندا, العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى Yكiمەتiنىڭ
2016 جىلعى 25 اقپانداعى №111 قاۋلىسىنا قوسىمشا
قازاقستان رەسپۋبليكاسى Yكiمەتiنىڭ
2003 جىلعى 5 اقپانداعى № 131 قاۋلىسىمەن
ساۋدا بازارلارىنىڭ قىزمەتiن ۇيىمداستىرۋ قاعيدالارى
1. جالپى ەرەجەلەر
1. وسى ساۋدا بازارلارىنىڭ قىزمەتiن ۇيىمداستىرۋ قاعيدالارى (بۇدان ءارى – قاعيدالار) «ساۋدا قىزمەتiن رەتتەۋ تۋرالى» 2004 جىلعى 12 ساۋiردەگi قازاقستان رەسپۋبليكاسىنىڭ زاڭىن (بۇدان ءارى – زاڭ) iسكە اسىرۋ ماقساتىندا «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسىنىڭ كودەكسىنە (بۇدان ءارى – كودەكس), قازاقستان رەسپۋبليكاسىنىڭ «تۇتىنۋشىلاردىڭ قۇقىقتارىن قورعاۋ تۋرالى» 2010 جىلعى 4 مامىرداعى, «تەحنيكالىق رەتتەۋ تۋرالى» 2004 جىلعى 9 قاراشاداعى, «ولشەم بiرلiگiن قامتاماسىز ەتۋ تۋرالى» 2000 جىلعى 7 ماۋسىمداعى زاڭدارىنا سايكەس ازiرلەنگەن جانە قازاقستان رەسپۋبليكاسىنىڭ اۋماعىندا ورنالاسقان ساۋدا بازارلارىنىڭ قىزمەتiن ۇيىمداستىرۋ ءتارتىبiن ايقىندايدى.
وسى قاعيدالار ساۋدا بازارىنىڭ بارلىق سۋبەكتiلەرiنە قولدانىلادى.
2. وسى قاعيدالاردا مىناداي تەرميندەر قولدانىلادى:
1) اۆتودۇكەن – ساۋدا جابدىعىمەن جاراقتالعان مامانداندىرىلعان اۆتوكولiك قۇرالى (تاۋارلاردى اۆتودۇكەندەر ارقىلى وتكىزگەن كەزدە مامانداندىرىلعان كولىك قۇرالى تەحنيكالىق تۇرعىدان جارامدى بولۋعا ءتيىس);
2) اۆتومات – تاۋارلاردى ساتۋعا ارنالعان اۆتوماتتاندىرىلعان قۇرىلعى;
3) بازار اكiمشiلiگi – بازار قىزمەتiن تiكەلەي باسقارۋ ءۇشiن بازاردىڭ مەنشiك يەسi (يەگەرi) قۇرعان باسقارۋ اپپاراتى;
4) بولشەك بازار – قىزمەت كورسەتۋدi جانە تۇتىنۋشىلاردىڭ تiكەلەي وزدەرiنە, تۇرمىستىق جانە وتباسىلىق پايدالانۋىنا ارنالعان تۇتىنۋ ماقساتىنداعى تاۋارلاردى دانالاپ نەمەسە شامالى مولشەردە ساتىپ الۋ-ساتۋ جۇزەگە اسىرىلاتىن بازار;
5) بولشەك ساۋدا – ساتىپ الۋشىعا جەكە, وتباسىلىق, ءۇي iشiندە نەمەسە كاسiپكەرلiك قىزمەتپەن بايلانىستى ەمەس وزگە دە پايدالانۋعا ارنالعان تاۋارلاردى ساتۋ جونiندەگi كاسiپكەرلiك قىزمەت;
6) دۇكەن – ساۋدا, قوسالقى, اكiمشiلiك-تۇرمىستىق ءۇي-جايلارمەن, سونداي-اق تاۋارلاردى قابىلداۋعا, ساقتاۋعا جانە ساتۋعا دايىنداۋعا ارنالعان ءۇي-جايلارمەن قامتاماسىز ەتiلگەن, كۇردەلi ستاتسيونارلىق قۇرىلىس نەمەسە ونىڭ بiر بولiگi;
7) دۇڭگiرشەك – ءبىر نەمەسە بىرنەشە ساۋدا ورنىنا ەسەپتەلگەن, ازىق-ت ۇلىك تاۋارلارىن ساقتاۋعا ارنالعان ساۋدا زالى مەن ءۇي-جايلارى جوق, ساۋدا جابدىعىمەن جاراقتالعان, تاسىمالداناتىن كۇردەلi ەمەس قۇرىلىس;
8) جىلجىمالى سورە – ارنايى بەلگىلەنگەن ورىنعا ورنالاستىرىلاتىن, ساۋدا ورنىن بىلدىرەتىن تاسىمالداناتىن ۋاقىتشا قۇرىلىس (كونسترۋكتسيا);
9) كوممۋنالدىق بازار – جەرگىلىكتى اتقارۋشى ورگانداردىڭ شەشىمى بويىنشا قۇرىلاتىن, تۇتىنۋشىلاردىڭ تiكەلەي وزدەرiنە, تۇرمىستىق جانە وتباسىلىق پايدالانۋىنا ارنالعان ازىق-ت ۇلىك تاۋارلارىن باسىمدىقپەن ساتىپ الۋ-ساتۋ جۇزەگە اسىرىلاتىن ساۋدا بازارى;
10) كوتەرمە بازار – ودان ءارى وتكiزۋ نەمەسە وندiرiستە پايدالانۋ ماقساتىندا تاۋارلاردى پارتيالارمەن (كوپ مولشەردە) ساتىپ الۋ-ساتۋ جۇزەگە اسىرىلاتىن بازار;
11) كوتەرمە ساۋدا – كەيiننەن ساتۋعا نەمەسە جەكە, وتباسىلىق, ءۇي-iشiلiك جانە وسىنداي وزگە دە پايدالانۋعا بايلانىستى ەمەس وزگە دە ماقساتتارعا ارنالعان تاۋارلاردى وتكىزۋ جونiندەگi كاسiپكەرلiك قىزمەت;
12) ساۋدا بازارىنىڭ مەنشiك يەسi (يەگەرi) – قازاقستان رەسپۋبليكاسىنىڭ زاڭناماسىنا سايكەس ارەكەت ەتەتiن, ساۋدا قىزمەتiن جۇزەگە اسىرۋ ءۇشiن ساۋدا ورىندارىن بەرەتىن جانە باسقا دا قىزمەت تۇرلەرiن كورسەتەتىن بازاردىڭ مۇلكiن يەلەنەتىن, پايدالاناتىن, ونىڭ ىشىندە مەنشىك قۇقىعىندا پايدالاناتىن دارا كاسىپكەر جانە (نەمەسە) زاڭدى تۇلعا;
13) ساۋدا بازارى – اۋماقتا شارۋاشىلىق قىزمەت ەتۋ, باسقارۋ جانە كۇزەت فۋنكتسيالارى ورتالىقتاندىرىلعان, تۇراقتى نەگىزدە جۇمىس ىستەيتىن جانە ءوز اۋماعىنىڭ شەكاراسى شەگىندە اۆتوكولىك قۇرالدارىن قويۋ ءۇشىن الاڭمەن قامتاماسىز ەتىلگەن, سونداي-اق سانيتاريالىق-ەپيدەميولوگيالىق تالاپتارعا, ءورت قاۋىپسىزدىگى, ساۋلەت-قۇرىلىس تالاپتارىنا جانە قازاقستان رەسپۋبليكاسىنىڭ زاڭناماسىنا سايكەس وزگە دە تالاپتارعا سايكەس كەلەتىن ساۋدا قىزمەتىنە ارنالعان وقشاۋلانعان م ۇلىكتىك كەشەن;
14) ساۋدا قىزمەتi – جەكە جانە زاڭدى تۇلعالاردىڭ تاۋارلاردى ساتىپ الۋ-ساتۋدى جۇزەگە اسىرۋعا باعىتتالعان كاسiپكەرلiك قىزمەتi;
15) ساۋدا قىزمەتiنiڭ سۋبەكتiسi – قازاقستان رەسپۋبليكاسىنىڭ زاڭناماسىندا بەلگiلەنگەن تارتiپپەن ساۋدا قىزمەتiن جۇزەگە اسىراتىن جەكە نەمەسە زاڭدى تۇلعا;
16) ساۋدا كەرەك-جاراعى – ساۋدا قىزمەتiن جۇزەگە اسىرۋعا ارنالعان زاتتار;
17) ساۋدا وبەكتiسi – قۇرال-جابدىقپەن ارنايى جاراقتاندىرىلعان, تاۋارلار ساتۋ كەزiندە تاۋارلاردى قويۋعا, كورسەتۋگە, ساتىپ الۋشىلارعا قىزمەت ەتۋگە جانە ساتىپ الۋشىلارمەن اقشالاي ەسەپ ايىرىسۋعا ارنالعان جانە پايدالانىلاتىن عيمارات نەمەسە عيماراتتىڭ بiر بولiگi, قۇرىلىس نەمەسە قۇرىلىستىڭ بiر بولiگi, ساۋدا بازارى, اۆتوماتتاندىرىلعان قۇرىلعى نەمەسە كولiك قۇرالى;
18) ساۋدا ورنى – تاۋارلار ساتۋ كەزىندە تاۋارلاردى قويۋعا, كورسەتۋگە, ساتىپ الۋشىلارعا قىزمەت ەتۋگە جانە ساتىپ الۋشىلارمەن اقشالاي ەسەپ ايىرىسۋعا ارنالعان جانە پايدالانىلاتىن قۇرال-جابدىقپەن جاراقتاندىرىلعان ورىن;
19) ساۋدا شاعىن بازارى (بۇدان ءارi – شاعىن بازار) – ساۋدا ورىندارىنىڭ سانى 25-تەن اسپايتىن, تاۋارلاردى زاۋىتتىق ورامدا (ىدىستا) دانالاپ, اۋىلشارۋاشىلىق ءونىمىن, سونداي-اق ارنايى ساقتاۋ جاعدايلارىن تالاپ ەتپەيتiن تاۋارلاردى ساتۋعا ارنالعان بازار;
20) ستاتسيونارلىق ەمەس ساۋدا وبەكتىسى – ينجەنەرلىك-تەحنيكالىق قامتاماسىز ەتۋ جەلىلەرىنە قوسىلۋىنىڭ (تەحنولوگيالىق بىرىكتىرىلۋىنىڭ) بولۋىنا نەمەسە بولماۋىنا قاراماستان, جەرمەن بەرىك بايلانىسى جوق ۋاقىتشا قۇرىلىس نەمەسە ۋاقىتشا كونسترۋكتسيا, ونىڭ ىشىندە اۆتوماتتاندىرىلعان قۇرىلعى نەمەسە كولiك قۇرالى;
21) ستاتسيونارلىق ساۋدا وبەكتىسى – جەرمەن بەرىك بايلانىسقان جانە ينجەنەرلىك-تەحنيكالىق قامتاماسىز ەتۋ جەلىلەرىنە قوسىلعان (تەحنولوگيالىق بىرىكتىرىلگەن) عيمارات نەمەسە عيماراتتىڭ بiر بولiگi (قوسارلاس, قوسارلاس-جاپسارلاس, جاپسارلاس سالىنعان ءۇي-جاي), قۇرىلىس نەمەسە قۇرىلىستىڭ بiر بولiگى (قوسارلاس, قوسارلاس-جاپسارلاس, جاپسارلاس سالىنعان ءۇي جاي);
22) تاۋار – ساتۋعا نەمەسە ايىرباستاۋعا ارنالعان, اينالىمنان الىنباعان كەز كەلگەن ەڭبەك ءونiمi;
23) تاۋارلار توبى – فۋنكتسيالىق ماقساتىندا ۇقساستىعى بار تاۋارلار جيىنتىعى;
24) حالىقتىڭ دەكرەتتەلگەن توبى – حالىققا قىزمەت كورسەتۋ سالاسىندا جۇمىس ىستەيتىن جانە اينالاسىنداعى ادامدارعا ينفەكتسيالىق جانە پارازيتتىك اۋرۋلاردى جۇقتىرۋدا بارىنشا قاۋىپ توندىرەتىن ادامدار;
25) شاتىر (پاۆيلون) – قۇراستىرمالى-جينامالى كونسترۋكتسيالاردان, ءبىر نەمەسە بىرنەشە ساۋدا ورىندارى ءۇشىن ساۋدا جابدىقتارىمەن جاراقتاندىرىلعان ساۋدا قورىنا ارنالعان الاڭى بار جانە ارنايى بەلگىلەنگەن ورىنعا ورنالاستىرىلاتىن, جەڭiل قۇرىلاتىن قۇرىلىس.
3. بازاردا تاۋارلاردى كوتەرمە جانە بولشەك ساتۋ تۇرiندەگى ساۋدانى, سونداي-اق قىزمەتتەر كورسەتۋدى بازار اۋماقتارىندا ورنالاسقان ستاتسيونارلىق جانە ستاتسيونارلىق ەمەس ساۋدا وبەكتىلەرى ارقىلى ساۋدا قىزمەتى سۋبەكتىلەرى جۇزەگە اسىرادى.
4. ساۋدا بازارلارىن جوبالاۋ, سالۋ جانە رەكونسترۋكتسيالاۋ ساۋلەت, قالا قۇرىلىسى جانە قۇرىلىس سالاسىنداعى قولدانىستاعى مەملەكەتتىك نورماتيۆتەردە كوزدەلگەن تالاپتارعا سايكەس جانە ءوز قۇزىرەتi شەگiندە بەلگiلەنگەن تارتiپپەن تيiستi ورگاندارمەن كەلiسiلگەن جوبالار بويىنشا جۇرگiزiلەدi.
وبەكتىنى قابىلداۋدىڭ بەكىتىلگەن اكتىسى بولماسا, بازاردى پايدالانۋعا جول بەرىلمەيدى.
5. تاۋارلىق-سالالىق بەلگiسi بويىنشا ساۋدا بازارىنىڭ اۋماعىن مامانداندىرۋدى جانە ايماقتارعا ءبولۋدى, سونداي-اق بازاردا جۇزەگە اسىرىلاتىن مامىلەلەردiڭ كولەمi مەن سيپاتىنا بايلانىستى بازاردىڭ ءتۇرىن قولدانىستاعى نورماتيۆتەرگە سايكەس بازار اكiمشiلiگi ايقىندايدى.
6. بازارلار:
1) تاۋارلىق ماماندانۋى بويىنشا:
ازىق-تۇلiك تاۋارلارىن وتكiزۋ بويىنشا – ازىق-تۇلiك;
ونەركاسiپ تاۋارلارىن, تۇرمىستىق تەحنيكانى جانە تاعى باسقالاردى وتكىزۋ بويىنشا – ازىق-تۇلiك ەمەس;
2) وتكىزەتىن تاۋارلارىنا بايلانىستى:
مامانداندىرىلعان;
امبەباپ;
3) مامiلەلەردiڭ كولەمi مەن ولاردى جۇزەگە اسىرۋ تاسiلدەرi بويىنشا:
بولشەك;
كوتەرمە بولىپ جiكتەلەدi.
7. امبەباپ ساۋدا بازارى ساۋدا ورىندارى ءارتۇرلى توپتاعى تاۋارلاردى ساتۋدى جۇزەگە اسىرۋعا ارنالعان ساۋدا بازارى بولىپ تابىلادى:
1) استانانىڭ, رەسپۋبليكالىق ماڭىزى بار قالانىڭ اۋماعىنداعى ساۋدا بازارى, اۆتودۇكەندەردى قوسپاعاندا, ىشىندە ستاتسيونارلىق ەمەس ساۋدا وبەكتىلەرىن ورنالاستىرۋعا بولاتىن ءبىر جانە ودان دا كوپ ستاتسيونارلىق ساۋدا وبەكتىلەرىنەن تۇرادى;
2) وبلىستىق ماڭىزى بار قالانىڭ, اۋداندىق ماڭىزى بار قالانىڭ, كەنتتىڭ, اۋىلدىڭ اۋماعىنداعى ساۋدا بازارى ستاتسيونارلىق جانە (نەمەسە) ستاتسيونارلىق ەمەس ساۋدا وبەكتىلەرىنەن تۇرادى.
8. امبەباپ ساۋدا بازارى ساۋدا ورىندارى ءارتۇرلى توپتاعى تاۋارلاردى ساتۋدى جۇزەگە اسىرۋعا ارنالعان ساۋدا بازارى بولىپ تابىلادى:
1) استانانىڭ, رەسپۋبليكالىق ماڭىزى بار قالانىڭ جانە وبلىستىق ماڭىزى بار قالانىڭ اۋماعىنداعى ساۋدا بازارى, اۆتودۇكەندەردى قوسپاعاندا, ىشىندە ستاتسيونارلىق ەمەس ساۋدا وبەكتىلەرى ورنالاستىرۋعا بولاتىن ءبىر جانە ودان دا كوپ ستاتسيونارلىق ساۋدا وبەكتىلەرىنەن تۇرادى;
2) اۋداندىق ماڭىزى بار قالانىڭ, كەنتتىڭ, اۋىلدىڭ اۋماعىنداعى ساۋدا بازارى ستاتسيونارلىق جانە (نەمەسە) ستاتسيونارلىق ەمەس ساۋدا وبەكتىلەرىنەن تۇرادى.
9. مامانداندىرىلعان ساۋدا بازارى تاۋارلاردىڭ جالپى سانىنىڭ جەتپىس جانە ودان دا كوپ پايىزى ءبىر توپتاعى تاۋارلاردى ساتۋدى جۇزەگە اسىرۋعا ارنالعان ساۋدا بازارى بولىپ تابىلادى.
مامانداندىرىلعان ساۋدا بازارى ستاتسيونارلىق جانە (نەمەسە) ستاتسيونارلىق ەمەس ساۋدا وبەكتىلەرىن بىلدىرەدى.
10. ساۋدا بازارلارىنىڭ جۇمىس رەجيمiن بازارلاردىڭ اكiمشىلiگi بەلگىلەيدi.
2. بازار اۋماقتارىن ۇستاۋعا, جابدىقتاۋعا جانە جاراقتاندىرۋعا قويىلاتىن تالاپتار
11. بازاردى ۇيىمداستىرۋ كەزiندە قازاقستان رەسپۋبليكاسىنىڭ قولدانىستاعى زاڭناماسىنا سايكەس سانيتاريالىق-ەپيدەميولوگيالىق سالاماتتىلىعى سالاسىنداعى ۋاكىلەتتى مەملەكەتتىك ورگانمەن بەكىتىلگەن «تاماق ونىمدەرىنىڭ كوتەرمە جانە بولشەك ساۋدا وبەكتىلەرىنە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارىنىڭ (بۇدان ءارى – سانيتاريالىق قاعيدالار), ءورت قاۋىپسىزدىگى, ساۋلەت, قۇرىلىس, ۆەتەريناريالىق, ەكولوگيالىق جانە باسقا دا تالاپتار ساقتالۋى تيiس.
12. بازار اۋماعىندا ورنالاسقان قۇرىلىستار دا قاۋiپسiزدiك تەحنيكاسى, ۆەتەريناريالىق, سانيتاريالىق-ەپيدەميولوگيالىق, ءورت قاۋىپسىزدىگى قاعيدالارىنا, قۇرىلىس نورمالارى مەن قاعيدالارىنا, سونداي-اق تيiستi بەيiندەگi (ۇلگىدەگى) وبەكتiلەر ءۇشiن بەلگiلەنگەن باسقا دا تالاپتارعا ساي كەلۋگە تيiس.
13. بازار اۋماعىندا قۇرىلىستار مەن جابدىقتى ورنالاستىرۋ تۇتىنۋشىلاردىڭ ساۋدا ورىندارىنا ەركiن كەلۋiن, ءورت قاۋiپسiزدiگi تالاپتارىنىڭ ساقتالۋىن جانە اۆاريالىق نەمەسە توتەنشە جاعدايلاردا ادامدار مەن ماتەريالدىق قۇندىلىقتاردى شۇعىل ەۆاكۋاتسيالاۋ مۇمكiندiگiن قامتاماسىز ەتۋى تيiس.
14. بازاردىڭ سانيتاريالىق جاي-كۇيi سانيتاريالىق قاعيدالار تالاپتارىنا سايكەس بولۋعا تيiس.
15. ساۋدا بازارلارىندا:
1) ورنالاستىرۋ سحەماسىنا سايكەس ساۋدا ورىندارى, اكىمشىلىك-تۇرمىستىق, قويما ءۇي-جايلارى جانە جالپى پايدالانىلاتىن ورىندار جابدىقتالۋعا;
2) شولۋعا ارنالعان قولجەتىمدى ورىندار جابدىقتالۋعا ءتيىس, وندا:
ساۋدا بازارىندا ساۋدا ورىندارىن ورنالاستىرۋ سحەماسىن قامتيتىن اقپارات;
اۆاريالىق نەمەسە توتەنشە جاعدايلار تۋىنداعان كەزدە ەۆاكۋاتسيالاۋ سحەماسى;
ءورت شىققان كەزدە ادامداردى قاۋىپسىز ايماققا قاۋىپسىز ەۆاكۋاتسيالاۋدى جۇرگىزۋ, ورتكە قارسى قىزمەتتى شاقىرۋ جانە ءورت ءسوندىرۋ بولىمشەلەرى كەلگەنگە دەيىن ءورتتى ءسوندىرۋدى ۇيىمداستىرۋ جونىندەگى ۇيىم قىزمەتكەرلەرىنىڭ ءىس-قيمىل ءتارتىبىن قامتيتىن ەۆاكۋاتسيا جوسپارى;
ساۋدا ورىندارىن جالعا بەرۋ (پايدالانۋ) ءتارتىبى مەن شارتتارى تۋرالى اقپارات, ونىڭ ىشىندە وسى قاعيدالاردىڭ 20-تارماعىنىڭ 12) تارماقشاسىنا سايكەس بازارلاردا جەڭiلدiكتەرi بار تۇلعالاردىڭ تiزبەسi;
بوس ساۋدا ورىندارىنىڭ بولۋى-بولماۋى تۋرالى اقپارات;
ساۋدا ورىندارىن جالعا بەرۋ (پايدالانۋ) جونىندەگى كەلىسسوزدەردى جۇرگىزۋگە ۋاكىلەتتى تۇلعانىڭ بايلانىس (تەلەفون ءنومىرى جانە (نەمەسە) ەلەكتروندىق مەكەنجايى) دەرەكتەرى;
قازاقستان رەسپۋبليكاسىنىڭ تۇتىنۋشىلاردىڭ قۇقىقتارىن قورعاۋ تۋرالى زاڭناماسىندا كوزدەلگەن اقپارات;
باقىلاۋ ولشەۋ قۇرالدارىنىڭ, پiكiرلەر مەن ۇسىنىستار كىتابىنىڭ ورنالاسقان ورنى;
بازار جۇمىسىنا قاتىستى ماسەلەلەر تۋىنداعان جاعدايدا جۇگىنۋ قاجەت بازار اكiمشiلىگى, تۇتىنۋشىلاردىڭ قۇقىقتارىن قورعاۋ, حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگانداردىڭ اۋماقتىق بولىمشەلەرى, ۆەتەريناريا جانە وسiمدiكتەر كارانتينi جونiندەگi ورگاندار iشكi iستەر ءبولiمi تەلەفوندارىنىڭ نومiرلەرi;
سانيتاريالىق-ۆەتەريناريالىق ساراپتاما جۇرگiزۋ ءۇشiن ازىق-ت ۇلىك تاۋارلارىنان الىناتىن iرiكتەۋ نورمالارى (مۇنداي اقپاراتتىڭ ەت جانە جەمiس-كوكونiس پاۆيلوندارىندا ورنالاسۋى مiندەتتi) ورنالاستىرىلادى.
كوممۋنالدىق بازاردا قازاقستان رەسپۋبليكاسى ۇكىمەتىنىڭ 2010 جىلعى 1 ناۋرىزداعى № 145 قاۋلىسىمەن بەكىتىلگەن الەۋمەتتiك ماڭىزى بار ازىق-تۇلiك تاۋارلارىنىڭ تiزبەسiنە سايكەس الەۋمەتتىك ماڭىزى بار ازىق-ت ۇلىك تاۋارلارىنىڭ اعىمداعى بولشەك باعالارى تۋرالى اقپاراتتىق ستەندتەر ورناتىلادى. سونداي-اق مۇنداي اقپاراتتىق ستەندتە وزگە دە ازىق-ت ۇلىك تاۋارلارىنىڭ اعىمداعى بولشەك باعالارى تۋرالى اقپارات قامتىلۋى مۇمكىن.
بازار اۋماعى ساۋدا قاتارلارىنا (جەمiس-كوكونiس, ەت, ءسۇت, تۇرمىستىق تاۋارلار, كيiم, اياق كيiم جانە ت.ب.), قوعامدىق تاماقتانۋ وبەكتىلەرىنە, باقىلاۋ ولشەۋ قۇرالدارىنا, اۆتوبۋس ايالدامالارىنا, شىعۋعا جانە ت.ب. باعىتتار سiلتەمەلەرىمەن جاراقتاندىرىلادى.
بازار قاجەتتi ساۋدا كەرەك-جاراعىمەن, جابدىقپەن, ونىڭ iشiندە «ولشەم بiرلiگiن قامتاماسىز ەتۋ تۋرالى» قازاقستان رەسپۋبليكاسى زاڭىنىڭ تالاپتارىنا سايكەس قولدانۋعا جول بەرiلگەن باقىلاۋ ولشەۋ قۇرالدارىمەن جاراقتاندىرىلادى.
ءاربiر ازىق-ت ۇلىك ساۋدا زالىندا ولشەۋ باقىلاۋ قۇرالدارى ورناتىلادى.
16. بازار اۋماعىندا قوعامدىق تاماقتانۋ, ساۋدا, حالىققا تۇرمىستىق قىزمەتتەر كورسەتۋ جانە الەۋمەتتىك ماقساتتاعى وبەكتiلەردى ورنالاستىرۋ جانە جابدىقتاۋ سانيتاريالىق قاعيدالاردىڭ تالاپتارىن ساقتاي وتىرىپ جانە كودەكستىڭ 21-1-بابىنىڭ 2 جانە 3-تارماقتارىنا سايكەس جۇرگىزىلەدى.
17. ازىق-تۇلiك ەمەس ساۋدا زالدارىندا زاتتاردى (كيiم, اياق كيiم) ساتۋ كەزiندە ولاردى ولشەپ, كيiپ كورۋ ءۇشiن جاعداي جاسالۋى, ال اقاۋسىزدىعىن تەكسەرۋدi تالاپ ەتەتiن كۇردەلi-تەحنيكالىق جانە باسقا دا تاۋارلار ءۇشiن – ونى وتكiزۋگە ارنالعان جاعداي جاسالۋعا تيiس.
18. بازار اۋماعىنداعى سۋمەن جابدىقتاۋ جانە سۋ بۇرۋ سانيتاريالىق قاعيدالار تالاپتارىنا ساي بولۋعا تيiس.
19. بازاردا تاماق جانە اۋىل شارۋاشىلىعى ونىمدەرىن, ازىق-ت ۇلىك شيكىزاتىن, تاۋارلاردى ساقتاۋ جانە وتكiزۋ سانيتاريالىق قاعيدالاردىڭ تالاپتارىنا سايكەس جۇزەگە اسىرىلادى.
3. بازار اكىمشiلiگىنiڭ جۇمىسىن ۇيىمداستىرۋ
20. بازار اكiمشiلىگى:
1) قازاقستان رەسپۋبليكاسىنىڭ ساۋدا قىزمەتiن رەگلامەنتتەيتىن قولدانىستاعى زاڭناماسىنا, وسى قاعيدالارعا جانە بازار سۋبەكتiلەرiنiڭ ءوزارا قاتىناستارىنىڭ iشكى ءتارتiبiن ايقىندايتىن بازار رەگلامەنتiنە سايكەس بازاردىڭ قالىپتى جۇمىس iستەۋi جانە ونىڭ جۇمىسىن ۇيىمداستىرۋ ءۇشىن قاجەتتi جاعدايلاردى قامتاماسىز ەتەدi;
2) بازاردىڭ رەگلامەنتiن ازiرلەيدi, وندا مiندەتتi تۇردە:
جۇمىس رەجيمi جانە بازارعا ساۋدا قىزمەتi سۋبەكتiلەرىنىڭ, ساتىپ الۋشىلاردىڭ جانە بازار اكىمشىلىگى قىزمەتكەرلەرىنىڭ كەلۋ ءتارتىبi;
بازار ۇسىناتىن قوسىمشا قىزمەتتەر تiزبەسi;
ساۋدا قىزمەتiنiڭ سۋبەكتiلەرىنە ساۋدا ورىندارىن بەرۋ ءتارتiبi, ولاردىڭ سيپاتتاماسى, جالعا الۋ شارتتارى كورسەتiلەدى;
3) بازار اۋماعىن ۋاقتىلى تازالاۋدى جانە اباتتاندىرۋدى قامتاماسىز ەتەدi;
4) بازاردا اي سايىن كەستەگە سايكەس سانيتاريالىق كۇن وتكiزەدi;
5) بازاردىڭ ماماندانۋىنا بايلانىستى ەنەرگيامەن, سۋمەن, جىلۋمەن جابدىقتاۋ بولiگiندە بازار اۋماعىنداعى ساۋدا وبەكتiلەرi مەن ورىندارىنا سەرۆيستىك قىزمەت كورسەتۋدi, سونداي-اق پايدالانۋ شارتتارىنا جانە ولارعا بەلگiلەنگەن تالاپتار مەن سانيتاريالىق قاعيدالارعا سايكەس كەلەتىن ساۋدا كەرەك-جاراعىنىڭ جانە باقىلاۋ تارازىلارىنىڭ بولۋىن قامتاماسىز ەتەدi;
6) قوعامدىق ءتارتiپتi, ءورت قاۋiپسiزدiگىن ساقتاۋ, قاراۋىلدىق كۇزەت ۇيىمداستىرۋ جانە بازاردى اباتتاندىرۋ بويىنشا iس-شارالاردى وتكiزۋ بويىنشا شارالار قابىلدايدى;
7) وسى قاعيدالارعا, قۇرىلىس نورمالارى مەن قاعيدالارىنا, سانيتاريالىق قاعيدالارعا, ءورت قاۋiپسiزدiگi قاعيدالارىنا, ەكولوگيالىق قاعيدالارعا جانە قولدانىستاعى زاڭناماعا سايكەس باسقا دا تالاپتارعا سايكەس بازار جۇمىسىن ۇيىمداستىرادى;
8) بازار اۋماعىنا كiرەبەرiسكە بازاردىڭ ءتۇرىن, ماماندانۋىن, اتاۋىن, جۇمىس رەجيمiن كورسەتە وتىرىپ ماڭدايشا (مەملەكەتتiك جانە ورىس تىلدەرiندە) ورناتادى;
9) مىناداي نورماتيۆتiك قۇقىقتىق اكتىلەر:
«تۇتىنۋشىلاردىڭ قۇقىقتارىن قورعاۋ تۋرالى» قازاقستان رەسپۋبليكاسىنىڭ زاڭى;
«ساۋدا قىزمەتiن رەتتەۋ تۋرالى» قازاقستان رەسپۋبليكاسىنىڭ زاڭى;
«ولشەم بiرلىگىن قامتاماسىز ەتۋ تۋرالى» قازاقستان رەسپۋبليكاسىنىڭ زاڭى;
وسى ساۋدا بازارلارىنىڭ قىزمەتiن ۇيىمداستىرۋ قاعيدالارى;
سانيتاريالىق قاعيدالار بولۋعا تيiس.
قاجەتتىلiك تۋىنداعان جاعدايدا اتالعان نورماتيۆتiك قۇقىقتىق اكتىلەر ساۋدا بازارىنىڭ بارلىق سۋبەكتiلەرiنە تانىسۋ ءۇشiن بەرىلەدى;
10) قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردى قوسپاعاندا, بازار كورسەتەتىن قىزمەتتەر ءۇشىن تولەم مولشەرلەمەسىن (ساۋدا ورىندارى مەن ءۇي-جايلاردى جالعا الۋ, سونداي-اق باسقا دا قوسىمشا كورسەتىلەتىن قىزمەتتەر) دەربەس بەلگiلەيدi;
11) زاڭعا سايكەس ساۋدا وبەكتىلەرىن, ساۋدا وبەكتىلەرىندەگى, ونىڭ ىشىندە ساۋدا بازارلارىنداعى ساۋدا ورىندارىن جالعا بەرگەندە (پايدالانعاندا) جالداۋ (پايدالانۋ) شارتتارىن جاساۋعا مىندەتتى (كۇنتىزبەلىك اي شەگىندە ءۇش كۇننەن استام مەرزىمگە شارت جاساعان كەزدە – جازباشا تۇردە);
12) بازار كورسەتەتiن قىزمەتتەر بويىنشا ازاماتتاردىڭ جەكەلەگەن ساناتتارىنا جەڭىلدiكتەر بەرۋ تۋرالى شەشiمدى دەربەس قابىلدايدى (بۇل رەتتە جەڭىلدiكتەر بەرۋ تۋرالى حابارلاندىرۋ مەن تيiستi جەڭiلدiكتەرi بار تۇلعالاردىڭ تiزبەسi جالپىعا قولجەتiمدi جەردە ورنالاستىرىلادى);
13) شارت نەگىزىندە قۇقىقتىق ءتارتىپتى قورعاۋ جانە ءورت قاۋىپسىزدىگى جونىندەگى قىزمەتتى جۇزەگە اسىراتىن مەملەكەتتىك ەمەس ۇيىمدارعا, ۆەتەريناريالىق قاداعالاۋ ورگاندارىنا تۇراقتى بەكەتتەر ورنالاستىرۋ ءۇشىن قىزمەتتىك ءۇي-جايلار بەرەدى;
14) ساۋدا قىزمەتىنىڭ سۋبەكتىلەرi ءۇشiن اقىلى قىزمەتتەر (توڭازىتقىشتاردا, قويمالاردا جانە باسقا دا قويما ءۇي-جايلارىندا تاۋارلاردى, ءونiمدi, سونداي-اق ساتۋشىلاردىڭ جەكە زاتتارىن ساقتاۋ; ەت شابۋ; جۇكتەردى ساۋدا ورىندارىنا تاسۋ; اۆتوتۇراقتاردى پايدالانۋ; راديو ارقىلى حابارلاندىرۋلار جانە باسقالار) ۇسىنادى.
21. ساۋدا بازارىنىڭ مەنشىك يەسى (يەگەرi) قازاقستان رەسپۋبليكاسىنىڭ سالىق زاڭناماسىنا سايكەس سالىقتىق مىندەتتەمەنى ورىندايدى.
22. بازاردىڭ تەحنيكالىق پەرسونالى ساۋدا بازارى اۋماعىندا شارۋاشىلىق قىزمەتتi سانيتاريالىق كيiم كيىپ جۇزەگە اسىرادى, سونداي-اق سانيتاريالىق-گيگيەنالىق تالاپتاردى ساقتايدى.
23. كوممۋنالدىق بازاردىڭ اكىمشىلىگى وبلىستىڭ, قالانىڭ, اۋداننىڭ جەرگىلىكتى اتقارۋشى ورگاندارىمەن كەلىسۋ بويىنشا اپتا سايىنعى نەگىزدە كوممۋنالدىق بازاردا ساتىلاتىن ازىق-ت ۇلىك تاۋارلارىنا ۇسىنىلاتىن بولشەك باعانى بەلگىلەيدى.
24. كوممۋنالدىق بازاردىڭ اكىمشىلىگى وبلىستىڭ, قالانىڭ, اۋداننىڭ جەرگىلىكتى اتقارۋشى ورگاندارىمەن كەلىسۋ بويىنشا جىل سايىنعى نەگىزدە توقسانىنا ءبىر رەتتەن جيىلەتپەي تۇزەتۋ مۇمكىندىگىمەن كورسەتىلەتىن قىزمەتتەردىڭ بارلىق تۇرلەرى بويىنشا (ساۋدا الاڭدارىن جالعا بەرۋ, تاۋارلاردى ساقتاۋ, قويماعا قويۋ, سۇرىپتاۋ جانە بۋىپ-ءتۇيۋ, سونداي-اق جۇك جانە جەڭىل اۆتوكولىكتىڭ كىرۋى جانە تۇراعى) تىركەلگەن تاريفتەردى بەلگىلەيدى.
4. بازارلاردىڭ جۇمىسىن باقىلاۋ
25. وسى قاعيدالار تالاپتارىنىڭ ساقتالۋىن باقىلاۋدى قازاقستان رەسپۋبليكاسىنىڭ زاڭنامالىق اكتىلەرىندە بەلگىلەنگەن تارتiپپەن ۋاكiلەتتى مەملەكەتتiك ورگاندار جانە وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى ءوز قۇزىرەتتەرى شەگىندە جۇزەگە اسىرادى.
26. بازار اكىمشىلىگى ۋاكiلەتتى ورگانداردىڭ لاۋازىمدى تۇلعالارىنا تەكسەرۋلەر جۇرگىزۋگە جاردەم كورسەتەدi جانە وسىنداي تەكسەرۋلەر بارىسىندا انىقتالعان كەمشiلiكتەر مەن بۇزۋشىلىقتاردى جويۋ بويىنشا شارالار قابىلدايدى.
27. جۇزەگە اسىرىلعان تەكسەرۋلەر ناتيجەلەرi بويىنشا, قازاقستان رەسپۋبليكاسىنىڭ قولدانىستاعى زاڭناماسىنىڭ بۇزىلۋى انىقتالعان كەزدە, باقىلاۋشى ورگاندار قازاقستان رەسپۋبليكاسىنىڭ زاڭناماسىندا كوزدەلگەن شارالاردى قابىلدايدى.
28. بازاردىڭ مەنشiك يەسi (يەگەرi) جانە (نەمەسە) اكىمشىلىگى وسى قاعيدالاردى بۇزعانى ءۇشiن قازاقستان رەسپۋبليكاسىنىڭ زاڭنامالىق اكتىلەرىنە سايكەس جاۋاپتى بولادى.
5. ساۋدا پروتسەسiن ۇيىمداستىرۋ
29. ساۋدا قىزمەتiنiڭ سۋبەكتiلەرi جانە حالىقتىڭ دەكرەتتەلگەن توبىنا جاتاتىن بازار قىزمەتكەرلەرi سانيتاريالىق-گيگيەنالىق تالاپتاردى ساقتاۋى, سونداي-اق حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى ۋاكىلەتتى مەملەكەتتىك ورگاننىڭ مىندەتتى مەديتسينالىق قاراپ تەكسەرۋدى وتكىزۋ قاعيدالارىنا سايكەس مەديتسينالىق تەكسەرۋدەن ءوتۋى ءتيىس.
30. ساۋدا قىزمەتiنiڭ سۋبەكتiسi: ونiمدەردiڭ سايكەستىگى مەن قاۋiپسiزدiگiن كۋالاندىراتىن قۇجاتتارسىز جانە (نەمەسە) تۇتىنۋشىلاردىڭ ءومiرi نەمەسە دەنساۋلىعى ءۇشiن قاۋiپسiزدiك تالاپتارىنا ساي كەلمەيتىن (ونىڭ iشiندە قازاقستان رەسپۋبليكاسىنىڭ اۋماعىنا ودان تىسقارى جەرلەردەن اكەلiنگەن) تاۋارلاردى ساتقان, سونداي-اق تاۋارلاردىڭ قاۋiپسiزدiك تالاپتارىنا سايكەستiگiن كۋالاندىراتىن رەسمي قۇجاتتى زاڭسىز پايدالانعان; ساتىلاتىن تاۋاردىڭ ساپاسىنا قاتىستى ساتىپ الۋشىلاردى الداعان; تۇتىنۋشىنى ارتىق ولشەۋ ارقىلى الداعان; سانيتاريالىق قاعيدالاردىڭ تالاپتارىن بۇزىپ تاۋارلار ساۋداسىن جاساعان جاعدايدا «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ كودەكسىندە كوزدەلگەن جاۋاپتىلىقتا بولادى.
31. ساۋدا قىزمەتiنiڭ سۋبەكتiلەرi تاۋارلاردى ساتۋ كەزiندە:
1) بازارداعى ساۋدا قاعيدالارى مەن بازاردىڭ iشكi ءتارتiبiن ساقتاۋى;
2) سانيتاريالىق-ەپيدەميولوگيالىق جانە ءورت قاۋىپسىزدىگى تالاپتارىن ساقتاۋى;
3) جۇكقۇجاتتاردىڭ تۇپنۇسقالارى مەن نورماتيۆتiك اكتىلەردە كوزدەلگەن باسقا دا تاۋاردىڭ iلەسپە قۇجاتتارى; تاۋارلاردىڭ سايكەستىگى مەن قاۋiپسiزدiگiن راستايتىن قۇجاتتار بولۋى;
4) قازاقستان رەسپۋبليكاسىنىڭ سالىق زاڭناماسىنا سايكەس سالىق ەسەبىن جۇرگىزۋى قاجەت.
32. وسى قاعيدالاردىڭ 31-تارماعىنىڭ 3) تارماقشاسىندا اتالعان قۇجاتتار ساۋدا قىزمەتiنiڭ سۋبەكتiسiندە بۇكىل جۇمىس ۋاقىتىندا ساقتالادى جانە باقىلاۋشى ورگاندار مەن بازار اكiمشiلiگiنiڭ, سونداي-اق تۇتىنۋشىلاردىڭ بiرiنشi تالاپ ەتۋى بويىنشا بەرiلەدi.
33. ساۋدا ورنىن ءۇشiنشi تۇلعاعا بەرۋ تاراپتاردىڭ (ساۋدا قىزمەتiنiڭ سۋبەكتiسi مەن بازار اكiمشiلiگi) كەلiسiمi بويىنشا جۇرگiزiلەدi.
34. ساۋدا قىزمەتiنiڭ سۋبەكتiلەرi قازاقستان رەسپۋبليكاسىنىڭ سالىق زاڭناماسىنا سايكەس سالىقتىق مىندەتتەمەلەردى ورىندايدى.
35. بازاردا ساتۋعا تىيىم سالىنعان تاماق تاۋارلارىنىڭ تiزبەسi سانيتاريالىق قاعيدالار تالاپتارىندا ايقىندالادى.
36. زاڭعا سايكەس ەركiن ساتۋعا تىيىم سالىنعان تاۋارلاردى بازاردا ساتۋعا تىيىم سالىنادى.
37. بازارلاردا ۆەتەريناريالىق-سانيتاريالىق ساراپتاما جۇرگىزۋ مiندەتتى بولىپ تابىلادى. جانۋارلاردان الىناتىن شيكىزاتتاردى ۆەتەريناريالىق-سانيتاريالىق ساراپتاما جۇرگىزبەي ساتۋعا تىيىم سالىنادى.
38. كوممۋنالدىق بازاردا ازىق-ت ۇلىك تاۋارلارىن ساتۋعا ساۋدا ورىندارىنىڭ كەمىندە 70 %, ونىڭ ىشىندە كەمىندە 10 % ساۋدا ورنى ءوز ونىمدەرىن ساتۋ ءۇشىن تىكەلەي اۋىل شارۋاشىلىعى تاۋارىن وندىرۋشىلەرگە بەرىلەدى.
بۇل رەتتە ازىق-ت ۇلىك تاۋارلارىن ساتۋ ءۇشىن ساۋدا ورىندارىنىڭ ناقتى سانىن جانە اۋىل شارۋاشىلىعى تاۋارىن وندىرۋشىلەر ءۇشىن ساۋدا ورىندارىنىڭ ناقتى سانىن ايقىنداۋدى جەرگىلىكتى اتقارۋشى ورگاندارمەن كەلىسۋ بويىنشا كوممۋنالدىق بازار اكىمشىلىگى جۇزەگە اسىرادى.
6. ساتىلاتىن تاۋارلاردىڭ ساپاسى مەن قاۋiپسiزدiگi
39. بازاردا اينالىمعا تەحنيكالىق رەتتەۋ, سونداي-اق تاعام ونىمدەرىنىڭ قاۋىپسىزدىگى سالاسىنداعى زاڭنامادا بەلگىلەنگەن تارتىپپەن ولاردىڭ بازارداعى اينالىمىنىڭ بەلگىلەنگەن قاعيدالارىنا سايكەس تاۋارلار (ونىمدەر) جىبەرىلەدى.
40. ساتۋ ۋاقىتىندا ساپاسىن جوعالتقان جانە ساپاسىز تاۋارلار رازريادىنا وتكەن تاۋار ساتۋدان الىنادى.
ونiمدەر مەن تاۋارلاردى جويۋ نەمەسە ودان ءارى قايتا وڭدەۋ قازاقستان رەسپۋبليكاسىنىڭ قولدانىستاعى زاڭناماسىنا سايكەس جۇزەگە اسىرىلادى.
ۋاقىتشا ساقتاۋعا قويىلعان تاۋارلار ىدىستا قاتتالۋى تيiس. ساقتاۋ ءۇي-جايلارىندا تاۋارلار تاۋارلاردى قاتار ورنالاستىرۋ قاعيداتتارى, قويماعا قويۋ, رەجيم مەن ساقتاۋ نورمالارى ساقتالا وتىرىپ ورنالاستىرىلادى.
7. ساۋدا بازارلارىنىڭ قىزمەتiن توقتاتۋ
41. ساۋدا بازارىنىڭ مەنشiك يەسi بازار قىزمەتiن قازاقستان رەسپۋبليكاسىنىڭ قولدانىستاعى زاڭناماسىنا سايكەس توقتاتادى.