استانا. 5 ناۋرىز. بەلگراد قالاسىندا تەننيستەن دەۆيس كۋبوگىنىڭ 1/8 فينالى شەڭبەرىندە سەربيا مەن قازاقستان اراسىندا كەزدەسۋ وتۋدە. العاشقى كۇنگى قورىتىندى بويىنشا ەسەپ – 1:1. بۇل تۋرالى egemen.kz ءتىلشىسى حابارلادى.
ءبىرىنشى ماتچتا الەمنىڭ ەڭ ۇزدىك تەننيسشىسى, سەرب نوۆاك دجوكوۆيچ پەن قازاقستاندىق الەكساندر نەدوۆەسوۆ كورتقا شىقتى. ءۇش سەتكە جالعاسقان ويىندا دجوكوۆيچ 6:1, 6:2, 6:3 ەسەبىمەن باسىم ءتۇسىپ, كومانداسىن العا شىعاردى.
الايدا, ەكىنشى ويىندا وتانداسىمىز ميحايل كۋكۋشكين قارسىلاسى ۆيكتور ترويتسكيدى جەڭىپ, تارازى باسىن تەڭەستىردى. بۇل كەزدەسۋ دە ءۇش سەتكە جالعاستى. تارتىستى ويىن ناتيجەسىندە كۋكۋشكين 7:5, 6:2, 6:4 ەسەبىمەن جەڭىسكە جەتتى.
ەندى ەرتەڭ قوس كوماندا جۇپتىق ايقاستا كۇش سىناسادى. بۇل سىندا سەربيا تاراپىنان نوۆاك دجوكوۆيچ پەن نەناد زيمونيچ شىقسا, قازاقستان قۇراماسىنىڭ كاپيتانى دياس دوسقاراەۆ اندرەي گولۋبەۆ پەن الەكساندر نەدوۆەسوۆكە سەنىم ارتىپ وتىر. اتالعان ويىن 5 ناۋرىز كۇنى ساعات 19:55-تە باستالادى. ماتچتى تىكەلەي ەفيردە KazSport تەلەارناسى كورسەتەدى.
ەلامان قوڭىر.
دەرەك: egemen.kz.
سۋرەت: daviscup.com.