باقىت تۋرالى جىر

جارىم-اۋ, سەن – باقىتتى, مەن – باقىتتى, بۇدان اسقان راحات جوق جانعا, ءتىپتى. قۇربىلارعا ايتار ەم: باقىت سىيلا, ودان باسقا بەرمەڭدەر جارعا تۇك تە.   باقىت بولسا... دۇنيەنىڭ بار بايلىعى, ءومىردىڭ جىلتىراعان جايراڭدىعى – قاجەتى نە, دوستارىم, سوندىقتان دا, تەك باقىت كەرەكتىگىن ويلان بۇگىن.   ويلان بۇگىن, ەرتەڭ دە, ارگۇنى دە, مۇمكىندىك بار كۇنى دە, تار كۇنى دە. جارىڭا باقىت سىيلار قۇدىرەت بار, تۋعان جەردىڭ حوش ءيىس ءار گ ۇلىندە.   كۇلكىڭدە دە, بيازى سوزىڭدە دە, ادالدىقپەن نۇرلانعان كوزىڭدە دە, جارىڭا باقىت سىيلار قۇدىرەت بار بالاڭدى باۋىرىڭا العان كەزىڭدە دە.   شىن باقىتتان مەن كەيدە مۇڭ تابامىن, ماعىناسىز ماستىققا ءمىن تاعامىن. سالقىن تۇندە ورالىپ ساعىنىشپەن, باقىت, بالكىم, كورپەسىن قىمتاعانىڭ.   ايتا المان سىپايى بول, سوكپە دەپ تە, باقىتتى بولار مۇمكىن وكپەلەپ تە. ءتايىر-اي, قىمبات م ۇلىك ەمەس قوي ول, باقىت ءۇشىن سوندايلىق كوپ كەرەك پە؟ كوپ كەرەك, باقىت ءۇشىن, از دا كەرەك. باقىت ءبىزدى بولەر-اۋ سازعا بولەك. باقىتقا باتىرلىق تا, باتىلدىق تا, باقىتقا نازىكتىك پەن ناز دا كەرەك.   سولاي, جانىم, باقىتتىڭ نارقى قىمبات, باقىتقا جەتە المايسىڭ ار شىعىنداپ. بازارشىدان باقىتتى تابا المايسىڭ, بارساڭ دا ۋىس-ۋىس التىنىڭدى اپ.   باقىتتان ارزان دا جوق, قىمبات تا جوق. باقىت جايىن بىلمەسپىز جىرلاپ تا كوپ. جىگىتتەر, ءوزىڭ – باقىت, جارىڭ – باقىت, ايتام تەك باقىتىڭدى قۇرمەتتە دەپ!   قورعانبەك امانجول, «ەگەمەن قازاقستان».