قوستاناي وبلىسىنداعى اۋليەكول اۋدانىنىڭ چەرنيگوۆ اۋىلىندا قاراقشىلار قارت كىسىلەردىڭ ۇيىنە باسىپ كىرىپ, وزدەرىن ۇرىپ-سوعىپ, توناپ كەتكەن. باستاپقىدا ەسىك قاعىلعان كەزدە ۇيدەگى قارت انا ىلگەكتى ءوزى بارىپ اشقان. سەبەبى, سىرتتا تۇرعاندار اۋىلداعى بىرەۋلەردى سۇراعان.
ال ەسىك اشىلعان كەزدە كەلۋشىلەر قارياعا تارپا باس سالىپ, ءبىراز سوعىپ تاستاعان. ولار مۇنىمەن دە توقتاماي, تورگى بولمەگە ءوتىپ, قاننەن-قاپەرسىز ۇيىقتاپ جاتقان اقساقالدى تاياقتىڭ استىنا العان. بۇل كەزدە ۇيىقتاتىن ءدارى ءىشىپ, الاڭسىز دەم الىپ جاتقان ونىڭ ويانۋى وڭايعا سوقپايدى. قاراقشىلاردىڭ دا كوزدەگەنى سول ەكەن, ولار دەرەۋ ءۇيدى توناي باستايدى. بىراق قاريالار ەش قۇندى زاتتارى دا, كولەمدى سومالى قوماقتى اقشالارى دا جوق ەكەنىن ايتىپ باعادى. ايتكەنمەن, توناۋشىلار بۇعان سەنبەي, قاريالاردى تاعى تەپكىلەپ تاستاپ, ۇيدەگى قولعا ىلىككەن م ۇلىكتەردى الىپ كەتەدى.
جابىرلەنۋشىلەر ەس جيعان سوڭ دەرەۋ پوليتسياعا حابار بەرگەن. سول بويدا ءتارتىپ ساقشىلارى كۇدىكتىلەردىڭ سوڭىنا تۇسەدى. ولار ساناۋلى كۇننىڭ ىشىندە ۇستالادى. سەبەبى, قاريالار قاراقشىلاردىڭ كىمدەر ەكەنىن پايىمداپ قالعان ەكەن.
مۇرات ايتقوجا