2015 جىلى قازاقستان رەسپۋبليكاسىنىڭ پرەزيدەنتى – ەلباسى ن.ءا.نازارباەۆتىڭ باستاماسىمەن قازاقستان حالقى اسسامبلەياسىنىڭ 20 جىلدىق مەرەيتويىن اتاپ ءوتۋ شەڭبەرىندە 1 ناۋرىز قازاقستان رەسپۋبليكاسىنىڭ العىس ايتۋ كۇنى بولىپ جاريالاندى. بۇل مەيرام كوپەتنوستى جانە كوپكونفەسسيالى قازاقستان حالقى ءۇشىن تەرەڭ تاريحي جانە رۋحاني مانگە يە.
قازاقستان جەرى توتاليتارلىق جۇيە ۇستەمدىك قۇرعان جىلدارى ءتۇرلى جاعدايلارعا بايلانىستى ادىلەتسىزدىكتەر مەن جاپپاي قۋعىن-سۇرگىن كورىپ, جازىقسىز زارداپ شەككەن ءارتۇرلى ەتنوستاردىڭ سان مىڭداعان ادامدارى ءۇشىن ورتاق ۇيگە اينالدى.
قازاق حالقى سوناۋ قيىن-قىستاۋ زاماندا تاعدىر ءتالكەگىنە تۇسكەن مۇقتاج جاندارعا جوعارى ادامگەرشىلىك, مەيىرىمدىلىك پەن جاناشىرلىق تانىتۋ ارقىلى ولاردىڭ بويىندا جارقىن بولاشاققا دەگەن سەنىم مەن ءۇمىت وتىن جاقتى.
قازاقستان حالقى بۇگىنگى كۇندە دە وزدەرىنىڭ جارقىن بولاشاعىن قۇرۋدا جانە تۋىنداپ وتىرعان قيىندىقتار مەن سىناقتاردان سۇرىنبەي وتۋدە اۋىزبىرلىك تانىتۋدا.
ءبىز كونفەسسياارالىق كەلىسىمدى ساقتاۋ جانە نىعايتۋ, ەلباسىمىزدىڭ باسشىلىعىمەن جاڭا اسۋلاردى باعىندىرۋ جانە وركەندەگەن مەملەكەت قۇرۋ مىندەتتەرى توڭىرەگىندە ودان ءارى بىرىگىپ, جۇمىلا تۇسۋگە ءتيىسپىز.
بۇل مەرەكە بارلىق ەتنوستاردىڭ ءبىر-بىرىنە جانە قازاق حالقىنا دەگەن العىسىنىڭ, ورتاق وتانىمىز بەن ءبىرتۇتاس حالقىمىزعا دەگەن ادالدىق پەن سۇيىسپەنشىلىگىنىڭ, جاسامپاز ەڭبەككە قابىلەتى مەن شاتتىعىنىڭ بەلگىسى ىسپەتتى.
ءبىز العىس ايتۋ كۇنىندە قازاقستان حالقىنا باقىت پەن ىنتىماق, بەرەكە-بىرلىك, تاۋەلسىز ەلىمىزدىڭ وركەندەۋىن تىلەي وتىرىپ, ايتۋلى مەرەكەمەن شىن جۇرەكتەن قۇتتىقتايمىز.
ءبىز بۇل كۇنى مەملەكەت باسشىسى – ەلباسى نۇرسۇلتان ءابىش ۇلى نازارباەۆقا قاستەرلى جەرىمىزدە بەيبىتشىلىكتى ساقتاپ, ماڭگىلىك ەل بولۋعا جول سالعان سارابدال ساياساتى ءۇشىن شىن جۇرەكتەن العىسىمىزدى ءبىلدىرەمىز!
ءبىزدىڭ العىسقا تولى دۇعالارىمىزدى جاراتۋشى قابىل ەتكەي!
ە. مايامەروۆ, قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي; الەكساندر, استانا جانە قازاقستان ميتروپوليتى; ت. پەتا, استانا قالاسىنداعى قاسيەتتى ءماريام ريم-كاتوليك ارحيەپارحياسىنىڭ ارحيەپيسكوپى; ە.كوگەن, قازاقستاننىڭ باس ءراۆۆينى; يۋ.نوۆگورودوۆ, قازاقستان رەسپۋبليكاسىنداعى ىنجىلدىك ليۋتەراندىق شىركەۋىنىڭ ەپيسكوپى; ل.پالاگينا, الماتىلىق «ۆون-بۋدديستەر» شىركەۋىنىڭ» باسشىسى.