استانا. 11 اقپان. ۆەنەسۋەلادا زيكا بەزگەگىن جۇقتىرعان ءۇش ادام قايتىس بولدى. بۇل تۋرالى ria.ru سايتىنا سىلتەمە جاساعان egemen.kz ءتىلشىسى حابارلادى.
«دارىگەرلەر باقىلاۋىندا زيكا ىندەتىن جۇقتىرعان 319 ناۋقاس بار. 68 ادام اۋرۋدىڭ اسقىنعان تۇرىنە شالدىققان. وكىنىشكە وراي, ونىڭ ۇشەۋى قايتىس بولدى», – دەيدى مەملەكەت باسشىسى نيكولاس مادۋرو.
اتالعان ىندەت كوبىنە ماسالار ارقىلى تارايدى. ۆيرۋس اسىرەسە جۇكتى ايەلدەر ءۇشىن اسا قاۋىپتى. ىشتەگى شارانانىڭ ميكروتسەفاليا اۋرۋىمەن تۋىلىپ, بولاشاقتا باس سۇيەگى مەن مي قۇرىلىسىنىڭ دامۋىنا كەرى اسەرىن تيگىزەدى.
ايتا كەتەيىك, وتكەن جىلى برازيليادان باستالعان قاۋىپتى بەزگەك بۇگىندە 30-عا جۋىق ەلگە تاراپ ۇلگەردى.
ايان ءابدۋالي.
دەرەك, سۋرەت: ria.ru.