● وتكەن جىلى رەسپۋبليكامىزدا نەگىزگى جوبالار بويىنشا 450 شاقىرىم جول سالىندى. ول ءۇشىن قازىنادان 300 ملرد. تەڭگەگە جۋىق قارجى بولىنگەن. اتالعان جۇمىستار 8 جوبا بويىنشا جۇرگىزىلسە, وندەۋ جۇمىستارىمەن 2 مىڭعا جۋىق اۆتوجول قامتىلىپ, وعان 70 مىڭنان استام ادام جۇمىلدىرىلعان.
● ەلىمىزدە 496,7 ملرد. تەڭگەنىڭ اقشاسى مەن مۇلكى زاڭداستىرىلدى. اتاپ ايتقاندا, وسى جىلدىڭ 1 اقپانىنا دەيىن 60 مىڭ نىسان, قۇندى قاعازدار جانە اقشا زاڭدى تۇردە جاريالانعان. سونداي-اق, قازاقستاننان تىسقارى اۋماقتا جالپى سوماسى 1,1 ملرد. تەڭگەنى قۇرايتىن 41 نىسان, قۇندى قاعازدار زاڭداستىرىلعان.
● الماتىدا جىل باسىنان بەرى جول ەرەجەسىن بۇزعان 4319 جاياۋ جۇرگىنشى اكىمشىلىك جاۋاپقا تارتىلدى. سونىمەن قاتار, 1 تاۋلىكتىڭ ىشىندە جول قوزعالىسى ەرەجەسىن بۇزعانى ءۇشىن 21 ادامعا قاتىستى اكىمشىلىك ءىس قوزعالعان. ال وسى جىلدىڭ العاشقى ايىنان بەرى الماتىدا 354 اۆتوكولىك جۇرگىزۋشىسىنە جول قيىلىستارى مەن جاياۋ جۇرگىنشىلەر وتكەلىندە ورەسكەل ەرەجە بۇزعانى ءۇشىن اكىمشىلىك شارا قولدانىلدى.
● باتىس قازاقستان وبلىسى ءبىر جىلدا مەملەكەتتىك بيۋدجەتكە 186,3 ملرد. تەڭگە اۋداردى. بۇل 2015 جىلدىڭ سالىق جانە وزگە مىندەتتى تولەمدەردەن تۇسكەن قارجىلار. وبلىس اكىمدىگىنىڭ حابارلاۋىنشا, جوسپار 107,0 پايىزعا ورىندالعان. ايتا كەتەيىك, باتىس ءوڭىرى ۇلتتىق قورعا تۇسىمدەر جونىنەن رەسپۋبليكادا ەكىنشى ورىندا كەلەدى.
● اتىراۋ وبلىسىندا گاز ءوندىرۋ كولەمى ارتىپ كەلەدى. وبلىستاعى «تەڭىزشەۆرويل» جاۋاپكەرشىلىگى شەكتەۋلى سەرىكتەستىگى 2008 جىلى باستالعان شيكى گازدى ايداۋ زاۋىتىن سالۋ جوباسىن اياقتادى. بۇل تابيعي گازدىڭ تاۋلىكتىك ءوندىرىسىن 22 ملن. تەكشە مەترگە جەتكىزۋگە مۇمكىندىك بەردى. ايتا كەتەيىك, 2015 جىلى «تەڭىزشەۆرويل» كومپانياسى 1,27 ملن. توننا سۇيىلتىلعان گاز بەن 6,85 ملرد. تەكشە مەتر قۇرعاق گاز وندىرگەن.
● قوستانايدا وقۋشىلار «اقىلدى كيىم» ويلاپ تاپتى. يننوۆاتسيالىق جوبا مۇگەدەك جانداردىڭ مۇمكىندىگىن كەڭەيتەدى. ونەرتاپقىشتار نازارباەۆ زياتكەرلىك مەكتەبىنىڭ وقۋشىلارى. ولاردىڭ ويلاپ تاپقان جاڭالىعىنىڭ ءبىرى زاعيپتارعا كوشەدە ءجۇرىپ-تۇرۋعا سەپتىگىن تيگىزسە, ەندى ءبىرى مىلقاۋ جانداردىڭ ويىن تولىق جەتكىزۋىنە كومەكتەسەدى.
● وسكەمەندە ەلىمىزدىڭ تاريحي ماڭىزدى وقيعالارىنا ارنالعان مونەتالار كورمەسى ءوتتى. ولاردىڭ اراسىندا ۇلتتىق ۆاليۋتامىزدىڭ 20 جىلدىعىنا, شانحاي ىنتىماقتاستىق ۇيىمىنىڭ 10 جىلدىعى قۇرمەتىنە قۇيىلعان تەڭگەلەر بار. سونداي-اق, كوپشىلىك نازارىنا «كوسموس» سەرياسى بويىنشا شىعارعان تيىندار توپتاماسى ۇسىنىلدى. بۇل مونەتالار كۇمىس پەن تانتالدىڭ قوسپاسى ارقىلى جاسالىنعان.
حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى جانە «24kz» تەلەارناسىنىڭ دەرەكتەرى بويىنشا دايىندالدى.