اقپان ايىندا مەكتەپ وقۋشىلارىنا ارنالعان «الگوريفم» جۋرنالىنىڭ بيىلعى ءبىرىنشى ءنومىرى جارىق كورگەن بولاتىن. بۇل باسىلىمنىڭ باس رەداكتورى ءارى قۇرىلتايشىسى – ايمان وتەشوۆا.
ەكى ايدا ءبىر شىعاتىن جاڭا جۋرنالدا اكادەميك اسقار جۇمادىلداەۆتىڭ 60 جىلدىعىنا وراي سۇحباتى جانە 35 «التىن بەلگى» شىعارعان وڭتۇستىك قازاقستان وبلىسىنداعى ماقتاارال اۋدانىنىڭ جەتىساي قالاسىنداعى ب.مومىش ۇلى اتىنداعى مەكتەپ-گيمنازياسى تۋرالى ماقالا بەرىلگەن. وندا اتالمىش مەكتەپ ديرەكتورى ءومىرحان قوزىباقتىڭ قىزىقتى وقىتۋ ادىستەمەلەرى مەن اكادەميك اسقار جۇمادىلداەۆتىڭ ەسەپ-جۇمباعى, ەرلىككە پارا-پار ەڭبەكتەرى جان-جاقتى اشىلعان.
سونىمەن قوسا, فيزيكا جانە ماتەماتيكا تاقىرىپتارىنا ارنالعان قىزىقتى ماقالالار بار. سۇيسىنەتىن جايت – وسى باسىلىمدا اكادەميك اسقار جۇمادىلداەۆ ماتەماتيكانى شەمىشكەشە شاعاتىن بالالارعا تەڭدەۋ جاسىرىپ وتىر. عالىمنىڭ جۋرنالعا بەرگەن سۇحباتىندا مىناداي جولدار بار.
– بالالارعا قانداي قىزىقتى سۇراعىڭىز بار؟
– سۇراق كوپ. مىسالى ح!+1=y2. وسى تەڭدەۋدىڭ ءبۇتىن شەشىمدەرىن تابۋ كەرەك. ەكى شەشىمىن ايتىپ بەرەيىن. ح=4, y=5, x! =24. 24+1=25. تاعى ءبىر شەشىمى, x=5, y=11, 5!+1=120+1=121. ءۇشىنشى شەشىمى بار, بالالار سونى تاپسا دەيمىن. ءتورتىنشى شەشىمى بار ما, جوق پا؟ ءتورتىنشى شەشىمىن تاپقان بالاعا 1000 $ سىياقى بەرەمىن. ەگەر مەنىڭ 60 جىلدىق مەرەيتويىما وراي ءتورتىنشى شەشىمدى تاباتىن تالانتتى بالا تابىلسا, وندا ماعان ۇلكەن سىيلىق بولار ەدى.
وسى ەسەپتىڭ جاۋابىن ءبىرىنشى بولىپ شىعارعان وقۋشى «الگوريفم» جۋرنالى رەداكتسياسىنا جازىلۋ ءتۇبىرتەگىمەن قوسا حابارلاسسىن, دەپتى اكادەميك.
ايناش ەسالي,
«ەگەمەن قازاقستان».
الماتى.