مەملەكەت باسشىسى نۇرسۇلتان نازارباەۆ ۇلتتىق بانك توراعاسى دانيار اقىشەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
د.اقىشەۆ كەزدەسۋ بارىسىندا مەملەكەت باسشىسىنا اقشا-نەسيە ساياساتىنداعى نەگىزگى باعىتتار مەن قارجى سەكتورىنىڭ تۇراقتىلىعىن قامتاماسىز ەتۋ جونىندەگى شارالار تۋرالى باياندادى.
قازاقستان پرەزيدەنتى قارجىلىق تۇراقتىلىقتى قامتاماسىز ەتۋ جانە ەكونوميكانى دامىتۋعا ىقپال ەتۋ جونىندەگى جۇمىستى جالعاستىرۋدىڭ ماڭىزدىلىعىنا توقتالىپ ءوتتى.
ەلباسى شاعىن جانە ورتا بيزنەس سۋبەكتىلەرىنە, سونداي-اق, باسپانا قۇرىلىسىن ودان ءارى جالعاستىرۋ ىسىنە قولداۋ كورسەتۋ قاجەتتىگىنە دە نازار اۋداردى.
د.اقىشەۆ ەكونوميكانىڭ ناقتى سەكتورىن قارجىلاندىرۋ شارالارى ەلدىڭ دامۋ قارقىنىنا وڭ اسەرىن تيگىزۋى قاجەتتىگىن ايتتى.
مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرما بەردى.