قاراعاندى. 10 اقپان. جەزقازعان قالاسىندا كورپەنىڭ استىندا تۇنشىققان جەتى ايلىق نارەستە شەتىنەپ كەتتى. بۇل تۋرالى وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قايتىس بولعان نارەستە ۇشەمنىڭ ءبىرى ەكەن. اناسىنىڭ ايتۋىنشا, نارەستەلەر توسەكتە ۇيىقتاپ جاتقان. ءوزى ءۇي شارۋاسىمەن اينالىسىپ, بالالاردى ءالسىن-ءالسىن قاراپ قويىپ ءجۇرىپتى. سودان, قايتا اينالىپ ءبىر كەلگەنىندە نارەستەلەردىڭ ءبىرىنىڭ كورپە استىندا تۇنشىعىپ جاتقانىن كورەدى دە, جەدەل تۇردە كەۋدەسىنە ماسساج جاساي باستايدى. الايدا نارەستە سوڭعى رەت تەرەڭ تىنىستاعان دا, قايتىس بولىپ كەتكەن.
قازىرگى ۋاقىتتا سوتقا دەيىنگى تەرگەۋ امالدارى ءجۇرىپ جاتىر.
قايرات ءابىلدينوۆ.
دەرەك, سۋرەت: قاراعاندى وبلىستىق پروكۋراتۋرانىڭ ءباسپاسوز قىزمەتى.