شىمكەنت. 10 اقپان. وڭتۇستىك قازاقستان وبلىستىق ءىىد ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى 1971 جىلعى تۋعان ازاماتتى ەسىرتكى زاتتارىن ساقتادى دەگەن كۇدىكپەن ۇستادى. بۇل تۋرالى egemen.kz ءتىلشىسى حابارلادى.
كۇدىكتىنىڭ ءۇيىن ءتىنتۋ كەزىندە ماريحۋاناعا ۇقساس 30 دانادان استام ەسىرتكى سالىنعان سىرىڭكە قورابى تابىلعان. سوت-كريميناليستىك ساراپتاماسى ونىڭ 140 گرامنان استام ماريحۋانا ەسىرتكىسى ەكەندىگىن انىقتادى.
اتالعان جايت بويىنشا قىلمىستىق كودەكستىڭ 297-بابىمەن «ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ» قىلمىستىق ءىس قوزعالدى. كۇدىكتى قاماۋعا الىندى.
باقتيار تايجان.
دەرەك, سۋرەت: egemen.kz