پاۆلودار. 9 اقپان. ەكىباستۇزداعى قۇرىلىسى 2009 جىلدىڭ قازان ايىندا باستالعان تەحنيكالىق جانە كاسىپتىك ماماندار دايارلاۋ جونىندەگى وڭىرارالىق ورتالىققا رەسپۋبليكا بيۋدجەتىنەن 4,5 ملرد. تەڭگە بولىنگەن-ءدى. الايدا, جەتى جىلعا جۋىقتاعان قۇرىلىس ءالى اياقتالماي كەلەدى. بۇل تۋرالى egemen.kz ءتىلشىسى حابارلادى.
اتالعان ورتالىققا تاپسىرىس بەرۋشى – ءبىلىم جانە عىلىم مينيسترلىگى. جوسپار بويىنشا كەشەننىڭ قۇرىلىسى 17 ايدا ءبىتۋ كەرەك بولاتىن. ياعني, ءبىلىم بەرۋ مەكەمەسى 2010 جىلدىڭ سوڭىندا اياقتالۋعا ءتيىس-ءتى. دەگەنمەن, ەكىباستۇزداعى الىپ ورتالىقتىڭ قۇرىلىسى كۇنى بۇگىنگە دەيىن تولىق بىتپەي كەلەدى.
ورتا جولدا توقتاپ قالعان عيماراتتىڭ تومەنگى قاباتتارى سۋعا تولىپ كەتكەن. جوبا بويىنشا ورتالىق 14 بولىكتەن, ياعني, 14 جەكە عيماراتتان تۇرادى. ارقايسىسى 240 ورىندىق ەكى جاتاقحانا, 100 ورىندى قوناق ءۇي, سپورت عيماراتى, اكىمشىلىك كورپۋسى, 3 وقۋ عيماراتى, 2 شەبەرحاناسى بار. الدىن الا جوسپاردا 700 وقۋشى ءبىلىم الۋى ءتيىس.
ماماندار وڭىرلىك دامۋ مينيسترلىگىنىڭ شەشىمىمەن قۇرىلىس جۇمىستارى توقتاتىلعانىن ايتتى. قازىر ول جەردە كۇزەتشىلەر عانا ءجۇر. ەشكىم ەڭبەك اقى تولەمەيدى, كۇزەتشىلەر كەشەندى تاستاپ كەتپەكشى.
«جالپى, ميللياردتاعان قارجىنى دالاعا ۇشىرىپ, ورتالىق سالۋدىڭ قانداي قاجەتتىلىگى بار؟ بولدى؟» – دەيدى ەكىباستۇزدىقتار.
فاريدا بىقاي.
دەرەك, سۋرەت: egemen.kz.