پەتروپاۆل. 1 اقپان. سولتۇستىك قازاقستان وبلىسى قىزىلجار اۋداندىق سوتى جۇمىس بەرۋشىدەن جۇمىسشىلاردىڭ جينالىپ قالعان ەڭبەكاقى بەرەشەگىن وتەۋدى مىندەتتەدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen ءتىلشىسى حابارلادى.
«بيشكۋلسكايا سەمەنوۆودچەسكايا ستانتسيا» جشس-نەن ماڭداي تەر اقىلارىن الا الماي جۇرگەن جۇمىسشىلار سوتقا جۇگىنۋگە ءماجبۇر بولدى. جالاقىمەن قوسا مورالدىق شىعىندى ءوندىرۋدى دە تالاپ ەتتى.
سوتتا انىقتالعانداي, تالاپكەرلەر جەكە ەڭبەك شارتى نەگىزىندە ءوز مىندەتتەرىن تولىق ورىنداعانىنا قاراماستان, كاسىپورىن ەڭبەكاقى تولەۋدەن باس تارتقان. اۋداندىق سوت جۇمىسشىلاردىڭ تالاپتارىن قاناعاتتاندىرىپ, ولاردىڭ پايداسىنا 1 275 341 تەڭگە كولەمىندە ەڭبەكاقى قارىزىن ءوندىرىپ بەرۋ جونىندە شەشىم شىعاردى. مورالدىق شىعىندى وتەۋ تالابى ءىشىنارا قاناعاتتاندىرىلدى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق سوتتىڭ ءباسپاسوز قىزمەتى.