استانا. 30 قاڭتار. قازاقستان اەروۇتقىر اسكەرلەرىنىڭ 61993 اسكەري ءبولىمىنىڭ بازاسىندا بوكستان اسكەريلەر اراسىنداعى قازاقستان چەمپيوناتتىڭ فينالدىق جەكپە-جەكتەرى ءوتتى. بۇل تۋرالى egemen.kz ءتىلشىسى حابارلادى.
فينالعا 80 ارمياشى سپورتشى قاتىستى.
بوكسشىلاردىڭ شەبەرلىكتەرىنە جوعارى ساناتتى تورەشىلەر باعا بەردى. ولاردىڭ شەشىمىمەن جالپىكوماندالىق ەسەپتە 61993 اسكەري ءبولىمىنىڭ كومانداسى جەڭىس تۇعىرىنان كورىندى, ەكىنشى ورىندى 32363 اسكەري ءبولىمىنىڭ جاۋىنگەرلەرى يەلەنسە, ءۇشىنشى ورىن 18404 اسكەري ءبولىمىنىڭ بوكسشىلارىنا بۇيىردى.
قورعانىس مينيسترلىگى ورتالىق اپپاراتىنىڭ VI سپارتاكياداسى شەڭبەرىندە ارمرەستلينگتەن چەمپيونات ءوتتى. جالپىكوماندالىق ەسەپتە قۇرلىق اسكەرلەرى باس قولباسشىسى باسقارماسىنىڭ اسكەري قىزمەتشىلەرى چەمپيون اتاندى. ەكىنشى ورىندى 19132 اسكەري ءبولىمىنىڭ سپورتشىلارى يەلەنسە, ءۇشىنشى ورىنعا قم اسكەري پوليتسيا جاساعى يە بولدى.
قازاقستاننىڭ قارۋلى كۇشتەرىندە بۇقارالىق جانە كاسىبي تۇرعىداعى سپورتپەن شۇعىلدانۋعا اسا ءمان بەرىلەدى. بۇگىندە قورعانىس مينيسترلىگى سپورت كلۋبىنىڭ بەس سپورتشىسى ريو-دە-جانەيرودا وتەتىن وليمپياداعا جولدامانى جەڭىپ الدى. قازىرگى ۋاقىتتا اوسك-نىڭ اسكەري قىزمەتشىلەرى سپورتتىڭ 15 تۇرىمەن شۇعىلدانادى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.