رەسەي فەدەراتسياسىنىڭ پرەزيدەنتى ۆلاديمير پۋتين پاسحا مەرەكەسىنە وراي ۋاقىتشا اتىستى توقتاتۋ تۋرالى شەشىم قابىلدادى. كرەمل تاراتقان مالىمەتكە سايكەس, رەجيم 11 ءساۋىر كۇنى ماسكەۋ ۋاقىتىمەن 16:00-دە باستالىپ, 12 ءساۋىردىڭ سوڭىنا دەيىن جالعاسادى, دەپ حابارلايدى Egemen.kz.
رەسەي قورعانىس ءمينيسترى اندرەي بەلوۋسوۆ پەن باس شتاب باستىعى ۆالەري گەراسيموۆقا وسى ۋاقىت ارالىعىندا اسكەري قيمىلداردى توقتاتۋ جونىندە تاپسىرما بەرىلدى.
كرەمل حابارلاماسىندا رەسەي تاراپى ۋكراينا دا وسى باستامانى قولدايدى دەگەن ءۇمىت بىلدىرگەن.
رەسەي مۇنايىنىڭ قازاقستان ارقىلى ءترانزيتى 2027 جىلعا دەيىن جالعاسادى
ايتا كەتەيىك, 2025 جىلى دا پاسحا قارساڭىندا ءۇش كۇندىك اتىستى توقتاتۋ رەجيمى جاريالانعان بولاتىن (19-21 ءساۋىر ارالىعى). ول كەزدە رەسەي باسشىسى ۆلاديمير پۋتين تاراپتار كەلىسىمدى بۇزۋى مۇمكىن جاعدايلارعا دايىن بولۋ قاجەتتىگىن اتاپ وتكەن ەدى. ونىڭ ايتۋىنشا, بۇعان دەيىن ۋكراينا ەنەرگەتيكالىق ينفراقۇرىلىمعا سوققى جاساماۋ جونىندەگى كەلىسىمدى 100-دەن استام رەت بۇزعان.
سول جىلى رەسەي قورعانىس مينيسترلىگى ۋكراينا قارۋلى كۇشتەرى اتىستى توقتاتۋ رەجيمىن بىرنەشە رەت بۇزعانىن حابارلاعان. ۆەدومستۆو دەرەكتەرىنە سايكەس, ۋكراين تاراپىنان رەسەي اسكەري پوزيتسيالارىنا مينومەت پەن ارتيللەريادان 444 رەت وق اتىلىپ, 900-گە جۋىق درون سوققىسى جاسالعان. سونداي-اق بريانسك, كۋرسك جانە بەلگورود وبلىستارىنىڭ شەكارالاس ايماقتارى دا اتقىلاۋعا ۇشىراعانى ايتىلعان.
رەسەي بيلىگى ءىرى كومپانيالاردان VPN قولدانۋشىلارىن شەكتەۋدى تالاپ ەتتى
بۇعان دەيىنگى پاسحا قارساڭىندا تاراپتار تۇتقىندارمەن الماسقان. رەسەيگە 246 اسكەري قىزمەتكەر قايتارىلىپ, ۋكراينا دا ءدال وسىنشا ساربازىن العان ەدى.