مادەنيەت جانە اقپارات مينيسترلىگى ازاماتتىق باستامالاردى قولداۋ ورتالىعىمەن بىرلەسىپ, شاعىن گرانتتار بايقاۋىنا ءوتىنىم قابىلداۋ باستالعانىن حابارلادى, دەپ جازادى Egemen.kz.
مينيسترلىك مالىمەتىنشە, جەڭىمپازدارعا 3 ايعا دەيىنگى مەرزىمدە جوبانى جۇزەگە اسىرۋ ءۇشىن 1 000 000 تەڭگەگە دەيىن قارجى بەرىلەدى. سونداي-اق ۇيىمداستىرۋشىلار تاراپىنان ادىستەمەلىك قولداۋ كورسەتىلەدى. ال وتىنىمدەر 2026 جىلعى 13-30 ءساۋىر ارالىعىندا قابىلدانادى.
بايقاۋعا تىركەلگەن ۇكىمەتتىك ەمەس ۇيىمدار (ۇەۇ), ۆولونتەرلىك جوبالار بويىنشا باستاماشىل توپتار مەن ۆولونتەرلىك جوبالار بويىنشا 18 جاستان اسقان جەكە تۇلعالار قاتىسا الادى.
جاڭا كونستيتۋتسيا – ۆولونتەرلىكتى نىعايتۋعا كەڭ مۇمكىندىكتەر اشادى
گرانتتار مىنا باعىتتار بويىنشا بەرىلەدى:
ۆولونتەرلىك باستامالاردى دامىتۋ (توتەنشە جاعدايلار, ەكولوگيا, مەديتسينا, مادەنيەت, الەۋمەتتىك باعىت, جانۋارلاردى قورعاۋ) – 60 گرانت; ينكليۋزيۆتى قوعامدى دامىتۋ – 18 گرانت; اۋىلدىق جەرلەردى دامىتۋعا ارنالعان باستامالار – 18 گرانت.ايتا كەتەيىك, بىلتىر 136 شاعىن گرانت اياسىندا بەلسەندى ازاماتتار مەن ۇەۇ جوبالارىن جۇزەگە اسىرعان. ناتيجەسىندە ەلىمىز بويىنشا 10 مىڭنان اسا ازاماتقا ناقتى كومەك كورسەتىلىپ, 500-دەن استام ءىس-شارا ۇيىمداستىرىلعان.
دەپۋتات ۆولونتەرلىك قىزمەتتى ەڭبەك وتىلىنە ەسەپتەۋدى ۇسىندى
جوبالار اياسىندا 5 مىڭ اۋىل تۇرعىنى قامتىلىپ, 1 مىڭنان استام مۇگەدەكتىگى بار ازامات كاسىپ يگەرىپ, جاڭا مۇمكىندىكتەرگە قول جەتكىزدى. سونىمەن قاتار 4 مىڭنان استام ادام ۆولونتەرلىك قىزمەت, العاشقى كومەك كورسەتۋ, توتەنشە جاعدايلاردا ارەكەت ەتۋ جانە قارتتارعا كۇتىم جاساۋ داعدىلارىن مەڭگەردى.
ۆولونتەرلەردىڭ بەلسەندى قاتىسۋىمەن 400-گە جۋىق ەرىكتى ارحەولوگيالىق ەكسپەديتسيالار جۇمىسىنا تارتىلعان. سونداي-اق ۆەتەرينارلىق كومەككە مۇقتاج 352 جانۋارعا كومەك بەرىلگەن. ەكولوگيالىق اكتسيالار اياسىندا 1 توننادان استام قوقىس قالدىعى جينالعان.
ەگدە ۆولونتەردىڭ ەلەۋلى ءىسى