اقتاۋ قالاسىنىڭ تۇرعىنى «ويماشا» وقۋ پوليگونى ماڭىندا ساڭىراۋقۇلاق تەرۋگە بارعان كەزدە كۇدىكتى زات تاۋىپ العان. ول وق-دارىگە ۇقساس جارىلماعان سنارياد بولۋى مۇمكىن دەگەن بولجام بار, دەپ حابارلايدى Egemen.kz.
9 ءساۋىر كۇنى بولعان جاعداي تۋرالى ەر ادام بىردەن اسكەري قىزمەتكەرلەرگە حابار بەرگەن.
اقتاۋ گارنيزونىنىڭ ءباسپاسوز قىزمەتى بەرگەن مالىمەتكە سايكەس, وقيعا ورنىنا جەدەل تۇردە قارۋلى كۇشتەردىڭ ينجەنەرلىك-ساپەرلىك توبى جىبەرىلگەن.
ماماندار اۋماقتى تەكسەرىپ, تابىلعان زاتتى قاۋىپسىز جويۋ بويىنشا ءتيىستى شارالاردى جۇزەگە اسىردى. قازىرگى ۋاقىتتا جاعداي تولىق باقىلاۋدا, تۇرعىندار ءۇشىن ەشقانداي قاۋىپ جوق ەكەنى حابارلاندى.
ماڭعىستاۋدا جانارماي بەكەتىندە جارىلىس بولىپ, جۇمىسشىنى كۇيىك شالدى
گارنيزون وكىلدەرى تۇرعىنداردى قاۋىپسىزدىك ەرەجەلەرىن قاتاڭ ساقتاۋعا شاقىردى.
قازاقستاندا ارنايى وپەراتسيا كەزىندە 40 قارۋ مەن 800 وق-ءدارى تاركىلەندى
مامانداردىڭ ايتۋىنشا, كۇدىكتى زات تابىلعان جاعدايدا وعان جاقىنداۋعا, قول تيگىزۋگە نەمەسە ءوز بەتىنشە قانداي دا ءبىر ارەكەت جاساۋعا قاتاڭ تىيىم سالىنادى. مۇنداي جاعدايلاردا بىردەن قۇقىق قورعاۋ ورگاندارىنا نەمەسە جەدەل قىزمەتتەرگە حابار بەرۋ قاجەت.