10 ءساۋىر كۇنى قازاقستاننىڭ بەس قالاسىندا اتموسفەرالىق اۋانىڭ لاستانۋىنا ىقپال ەتەتىن قولايسىز مەتەورولوگيالىق جاعدايلار بولجانىپ وتىر. «قازگيدرومەت» مالىمەتىنشە, مۇنداي جاعدايلار وسكەمەن, سەمەي, ريددەر, تاراز قالالارىندا جانە كۇندىز الماتىدا كۇتىلەدى, دەپ حابارلايدى Egemen.kz.
سينوپتيكتەردىڭ تۇسىندىرۋىنشە, قولايسىز مەتەوجاعدايلار – ءالسىز جەل, تۇمان جانە تەمپەراتۋرالىق ينۆەرسيا سياقتى قىسقا مەرزىمدى فاكتورلاردىڭ جيىنتىعى. بۇل قۇبىلىستار زياندى زاتتاردىڭ اتموسفەرانىڭ تومەنگى قاباتىندا جينالۋىنا اكەلەدى.
ناتيجەسىندە ەلدى مەكەندەردە اۋا ساپاسى ناشارلاپ, بۇل تۇرعىنداردىڭ دەنساۋلىعىنا كەرى اسەر ەتۋى مۇمكىن.
مامانداردىڭ ايتۋىنشا, اۋاداعى لاستانۋ دەڭگەيىنە جەلدىڭ باعىتى مەن جىلدامدىعى, جاۋىن-شاشىن, ىلعالدىلىق پەن اۋا تەمپەراتۋراسى سەكىلدى سينوپتيكالىق جاعدايلار تىكەلەي ىقپال ەتەدى.
ماگنيتتىك داۋىل كەزىندە ادام اعزاسىندا قانداي وزگەرىس بولادى؟
وسىعان بايلانىستى تۇرعىندارعا مىناداي ساقتىق شارالارىن ساقتاۋ ۇسىنىلادى:− اشىق اۋادا, اسىرەسە كولىك جولدارى مەن لاستانۋ كوزدەرىنە جاقىن جەرلەردە ۇزاق ۋاقىت بولماۋ;
− بالالار مەن جۇكتى ايەلدەرگە سەرۋەندەۋدى شەكتەۋ;
− تىنىس الۋ, جۇرەك-قان تامىرلارى نەمەسە اللەرگيالىق اۋرۋلارى بار ادامدار وزىمەن بىرگە قاجەتتى ءدارى-دارمەكتەرىن الىپ ءجۇرۋى ءتيىس;
− اشىق اۋادا دەنە جۇكتەمەسىن ازايتىپ, سپورتپەن جابىق عيماراتتاردا اينالىسۋ قاجەت.
ايتا كەتەيىك, بۇعان دەيىن قازاقستاننىڭ 16 ءوڭىرى مەن ءۇش مەگاپوليسىندە داۋىلدى ەسكەرتۋ جاريالانعان ەدى.